Әйелдердің ер кісіге еліктеуінің үкімі
Алла Тағала адам баласын көркем бейнеде жаратып, оларды ер мен әйел жынысына бөлді. Бұл туралы Алла Тағала Құранда былай баяндайды:
يَا أَيُّهَا النَّاسُ إِنَّا خَلَقْنَاكُمْ مِنْ ذَكَرٍ وَأُنْثَىٰ وَجَعَلْنَاكُمْ شُعُوبًا وَقَبَائِلَ لِتَعَارَفُوا ۚ إِنَّ أَكْرَمَكُمْ عِنْدَ اللَّهِ أَتْقَاكُمْ ۚ إِنَّ اللَّهَ عَلِيمٌ خَبِيرٌ
«Уа, адамдар! Шүбәсіз, сендерді бір ер мен бір әйелден жараттық. Сондай-ақ, сендерді бір-біріңмен танысып, табысуларың үшін сан алуан ұлыстар мен руларға бөлдік. Біле білсеңдер, Алланың алдындағы ең ардақтыларың – ең тақуаларың. Шүбәсіз, Алла толық білуші, бәрінен толық хабардар болушы»[1].
Ер мен әйелдің өзіне тән қасиеттері, ерекшеліктері бар. Алла Тағала әйелдің жаратылысын нәзік, сезімтал, ал ер адамды күшті, қуатты етіп жаратты. Әйелдің еркекке, ал еркектің әйелге еліктеуі дұрыс емес. Мұндай қылыққа барған адам Құдайдың ашуын туғызады, көпшіліктің қарғысына ұшырайды. Ибн Абастан жеткен риуаятта:
لَعَنَ رَسُولُ اللَّهِ صَلَّى اللَّه عَلَيْهِ وَسَلَّمَ الْمُتَشَبِّهِينَ مِنَ الرِّجَالِ بِالنِّسَاءِ ، وَالْمُتَشَبِّهَاتِ مِنَ النِّسَاءِ بالرِّجالِ
«Пайғамбарымыз (оған Алланың салауаты мен сәлемі болсын) (сөйлеген сөзінде, жүріс-тұрысында, киім киісінде, боянуында) әйелдерге ұқсағысы келген ерлерді, ерлерге ұқсағысы келген әйелдерді лағынеттеді»[2], – деп келген. Тағы бір риуаятта: «Пайғамбарымыз (оған Алланың салауаты мен сәлемі болсын) әйелдің киімін киген еркекті және еркектің киімін киген әйелді лағынеттеді», – деп келеді[3].
Қорыта айтқанда, әйелдің ер кісіге ұқсауы, ер кісінің әйелге ұқсауы харам, үлкен күнә саналады. Мұндай сорақы іске қадам басқан адам ақыретте жазаға лайық.
Шариғат және пәтуа бөлімі
[1] «Хужурат» сүресі, 13-аят.
[2] Бұхари, Тирмизи және Ибн Мәжа риуаят еткен.
[3] Әбу Дәуіт риуаят еткен.
Жарияланған мақалалар мен шет елдік сайттардан алынған аудармалардың авторлық құқығы Azan.kz сайтына тиесілі.
 Предыдущий |
Следующий |
| Ұрпақ тәрбиесінде баланың жан дүниесімен санасу | Исра игілігі һәм миғраж мұғжизасы |
Қызықты тақырыптар
Намаз уақыттары 
