Балалар және мешіт. Ата-аналарға кеңес
Аса Қамқор, ерекше Мейірімді Алланың атымен!
Әлемдердің Раббысы Алла Тағалаға сансыз мадақтар, адамзаттың асыл тәжі, пайғамбарлардың мөрі болған Алла елшісі Мұхаммедке, оның отбасы мен сахабаларына Алланың игілігі мен сәлемі болсын!
Сіздерге Алланың сәлемі мен саламаты болғай!
Күні бойы жұмыс істеп, шаршаған Руслан мешітке келіп, тыныштықта асықпай құлшылығын атқарып, қасиетті Құран оқып, ойын ретке келтіретін сәтті асыға күтуде еді. Алайда, намаздан соң, оның ойын мешіт ішінде шулап, жүгіріп жүрген балалардың дауыстары бөліп жіберді.
Бәлкім, бұндай жағдай сіздің де басыңыздан өткен болар...
Аллаға шүкір, мұсылман үмметінің тынысына күннен күнге көптеген отбасылар араласуда. Әрине, балалардың мешітке келуі орынды да және дұрыс, себебі олар сол арқылы дінмен танысады, өздерін мұсылман тұлғасы ретінде қалыптастыра бастайды. Десе де, балаларды жастайынан мешіт әдептеріне үйрету өте маңызды. Әдетте, балалар мешітке баруды үлкендердің қадағалауынсыз достарымен ойын-сауық құрудың жақсы мүмкіншілігі деп біледі. Сондақтан да, балаларда мешітке деген дұрыс қарым-қатынасты қалыптастыру үшін, бұл мәселеге аса жауапкершілікпен қарау керек.
Төменде осы мәселеге қатысты бірнеше кеңестерімізді ұсынамыз
- Шығармашылық тәсіл. Балалардың мешітте болатын кезеңін жоспарлап, арнайы ойындар мен қызықты бағдарламаларды ойластырыңыз. Ұйымдастыруға шығатын шығынды өтеп, керек-жарақтарды сатып алу үшін, балаларға көз-қырын салып жүретін жетекшілердің төлемақыларын жабу үшін ата-аналардан жарна жинастырса болады. Осының арқасында балалар жетекшілердің қарамағында болып, артық шуламай, мешіт жамағатының көңілін құлшылықтан бөлмейтін болады.
- Ойын-сауық орны. Мүмкіндігінше, мешіт ауласында балаларға арнайы ойын алаңын ұйымдастырып қойған дұрыс. Ондай мүмкіншілік болмаған жағдайда аналар мен балаларға бөлек бөлме арнап, бөлмені жамағаттың көмегіне жүгіне отырып, ойыншықтармен жабдықтап қойған абзал. Бөлмеге ішкі аудио немесе видео желісі арқылы пайдалы дәрістер қосып қойса болады.
- Мешітке дайындалып келіңіз. Егерде мешітте балаларға арналған арнайы орындар болмаса, үйден өзіңізбен бірге баланың жақсы көретін ойыншықтарын ала шығыңыз. Мысалы, түрлі-түсті қарындаштар мен бояғыш кітаптар баланың көңілін біраз уақытқа дейін аударып, тыныш отыруына себеп болады. Баланың денсаулығына пайдалы да тойымды шырындар мен жеңіл тағамдарды да ұмытпағаныңыз жөн.
- Баланы мешітке дайындап келіңіз. Мешітке келер алдын, ата-ана баласын алдын-ала дайындап, мешіт әдептерін түсіндіргені жөн, бұл – өте маңызды. Қай жерде өзін қалай ұстауы керек екенін білмейтін баланың тәртіп сақтауын қалай күтуге болады? Мысалы, балаңызға мешіттің ішінде шулап, қатты дауыстауға болмайтындығын түсіндіріңіз. Жасы үлкендеу балаларға дәріс кезінде бір-бірлерімен сөйлесуге болмайтындығын айтыңыз. Бұл істе әрине, баланың жасын, ой-өрісінің дамуын да ескеру керек. Дегенмен, ата-анасынан мешітке қатысты тәлім-тәрбие алмаған баладан тәртіп сақтайды деп күтпей-ақ қойыңыз.
- Бұл да сабырлықтың бір түрі. Мешітте шулап, ойын салу жағымсыз болса да, жамағаттан баланың табиғи қылықтарына түсіністікпен қарап, сабырлық таныту талап етіледі. Жаңа туылған нәрестелер мешітте көп жағдайда жылайтын болса, енді тәй-тәй басқан балапандар бәрін қызық көріп, бір орында тұрмайтындығы баршамызғы мәлім.
Имам Бухари жеткізген хадисте, Алла елшісі, ол кісіге Алланың игілігі мен сәлемі болсын, балаларға қатысты:
«Намазды бастағанда ұзақ оқуға ниет етемін, алайда, баланың жылаған дауысын естігенімде намазды қысқартып оқимын, себебі анасына ыңғайсыздық тудырғым келмейді», – деген.
Ибн Аббас жеткізген басқа бір хадисте Алла елшісі, ол кісіге Алланың игілігі мен сәлемі болсын, Меккеге келген кезде, бани Әбді Мүтәліптің балалары оның алдынан жүгіріп шығып, қарсы алады. Сол кезде, Алла елшісі бір баланы иығына мінгізіп, екіншісін қолына көтеріп алған.
Құрметті бауырлар, біз мұсылманбыз және біздің жолымыз – ортаны ұстану. Сол себепті әр қайсыңызды жамағат пен жалпы қоғамның бірлігі мен берекетіне бастайтын амалдарға үндейміз. Бұл істе бір-бірімізге демеу болып, сөзі мен амалы жарасқан орта қалыптастыруға асығайық.
Алла Тағала иманымызды шыңдап, өзінің тақуа да салиқалы құлдарының қатарына қоссын.
Әмин!
Жарияланған мақалалар мен шет елдік сайттардан алынған аудармалардың авторлық құқығы Azan.kz сайтына тиесілі.
Толығырақ
 Предыдущий |
Следующий |
| Муфтият: қаныпезер қарақшылық пен қан төгуді қатаң айыптайды | Қадір түніне 7 амал |
Тақырып аясындағы мақалалар
Ақ некені қидырып, бір-біріне «ауыр серт» берген ер мен әйел ең алғашқы күннен-ақ екі дүниеде бақытты болудың жолын іздейді. Шаңырақтың баянды болуын, ортадағы сүйіспеншілік пен сыйластықтың сарқылмауын місе тұтады....
Ақылды және иманды 8 баланы қалай тәрбиеледім
Отбасы... Жанұя... Кеңестік кезеңде «семья» деп аталған ұғым кейінгі кезде «отбасы» және «жанұя» деген екі түсінікпен беріліп жүр. Осы екі ұғымның екеуі де өзінше дұрыс сияқты. Отбасы ұғымы тілдік жағына үңілсеңіз оттың басы, ошақтың қасы, яғни тұрмыс-тіршілік, үйдің материалдық мәселелеріне көбіре...
Асыл дініміз Ислам отбасыға, оның ішінде ер мен әйелдің көркем қарым-қатынасына аса мән береді. Исламда ер мен әйелдің өзіне жараса құқықтары, құрметі мен хақылары бар. Алланың рұқсат еткен нәрсесіне амал етіп, тыйым салғанынан аулақ болған адам міндетті түрде бақытқа кенеледі. Өйткені, Жаратушы Ием...
Қызықты тақырыптар
Кейбір жандарға осы жылғы Рамазан айы кезекті қадам болса, кейбір жандарға Рамазан айы тумады да. Өмір уақытша әрі жылдам ағысты. Ал оның ақырғы мерзімі Аллаға ғана аян. Кеше 23 жаста едік, бүгін 34 ке келсек, Алла қалап өмір берсе, ертең 60-ты арақалаймыз....
Рамазан айы мұсылман емес адамдардың көпшілігін былай қойғанда, барлық мұсылмандардың сана сезімінде ең әуелі оразамен - күндіз бойы ішіп жемнен тыйылумен ұштасады. Мұсылманша сайттар оразаның игілігі мен ұзақ уақыт бойы өз еркімен Алла разылығы үшін ішіп-жемнен тыйылған адамды күтіп тұрған сауап жа...
Жыл сайын Рамазан айының алдында көптеген кездесулер, сұхбаттасу және өзге де іс-шаралар өткізіп тұратынымыз бар, сондағы бәрінің қозғайтыны бір – «Рамазан айын қалай ең жақсы түрде өткізуге болады?»....
Ертеде үлкен алма ағашы болатын. Бір кішкентай бала күн сайын сол ағаштың қасына келіп, ойнағанды жақсы көретін. Ол ағаштың төбесіне шығып, алма жеп, ағаштың көлеңкесінде ұйықтайтын. Ол ағашты жақсы көретін, ағаш та онымен ойнағанды ұнататын. Уақыт сырғып...
Рамазан айының қадір-қасиеті жайлы көп айтылып жатыр. Мұхаммедтің (оған Алланың игілігі мен сәлемі болсын) үмметі үшін қасиетті болған бұл айдың қарсаңында біз Алла Тағаланың тек мұсылмандарға ғана беретін сыйын алуға дайындалу үстіндеміз. ...
Намаз уақыттары 
