Бас мүфти: Мәуліт мүбәрак болғай!
Серікбай қажы ОРАЗ, Қазақстан мұсылмандары діни басқармасының төрағасы, Бас мүфти
Құрметті бауырлар! Ардақты ағайын!
Осы күндерде жер-жердегі мешіттерімізде Аллаға мадақ, пайғамбарымызға салауат айтылып, дұға жасалуда. Ал мәдениет үйлерінде Алла Елшісінің өнегелі өмірін насихаттайтын рухани кештер өтуде.
Адамзаттың асылы, пайғамбарлардың ардақтысы Мұхаммедтің (оған Алланың салауаты мен сәлемі болсын) туған айында ұйымдастырылатын рухани жиындар жыл сайынғы дәстүрлі ізгі іс-шарамызға айналды.
Бұл дінімізді насихаттаудың, жас ұрпақты имандылыққа, жақсы мінез-құлыққа тәрбиелеудің орайлы бір сәті.
Алла Тағала қасиетті Құранда пайғамбарымызды (оған Алланың салауаты мен сәлемі болсын):
«Шын мәнінде сен әлбетте ұлы мінезге иесің» ("Қалам" сүресі, 4-аят), – деп сипаттайды.
Тағы бір аятта: «Расында сендер үшін Алланың Елшісінде көркем өнегелер бар» (Ахзаб сүресі, 21-аят), - делінген.
Пайғамбар есімін ардақтау, сүннетіне амал ету – сауапты іс.
Қадірлі жамағат!
Мәуліт мүбәрак болсын! Осынау қасиетті айда Аллаға мадақ, пайғамбарға салауат айтып, мол сауапқа бөленуді Жаратқан Иеміз нәсіп еткей!
Әр отбасына бақ-береке, ынтымақ пен бар жақсылықты тілеймін. Еліміз аман, жұртымыз тыныш болғай. Әмин!
Жарияланған мақалалар мен шет елдік сайттардан алынған аудармалардың авторлық құқығы Azan.kz сайтына тиесілі.
 Предыдущий |
Следующий |
| Мәуліт бидғат па? | Ізгі амалдың сауабын тірілерге бағыштауға бола ма? |
Қызықты тақырыптар
Намаз уақыттары 
