БОТОКС ЖАСАТУДЫ ШАРИҒАТ ҚОЛДАЙ МА?

08.08.2022 748 0

– | A | +

Алла Тағала Құранда Ібіліс шайтанның былай деп ант ішкенін ескертеді: «Оларға Алланың жаратылысын өзгертсін деп әмір етемін» («Ниса» сүресі, 119-аят).

Пайғамбарымыз (оған Алланың салауаты мен сәлемі болсын): «Алла Тағала денеге сурет салушыны, сурет салғызғанды, қас терушіні, қас тергізгенді, әдемі көріну мақсатында тістерінің арасын ашқандарды, Алланың жаратылысын өзгерткендерді лағынеттеді», – деген (Мүслім).

Демек артық әсемдік үшін немесе табиғи кәрілікті жасыруға, табиғи бейнеден тыс жаратылысты өзгертуге алып барса, сондай-ақ одан айлакерлік пен көзбояушылықты ниет етсе, онда шариғатымыз ботокс жасатуға қатаң түрде тыйым салады. Алайда адам мүшесіндегі қандай да бір ақауды кетіру, туабітті немесе кейіннен пайда болған кемістіктерді қалпына келтіру секілді қажетті емделу іс-әрекеттеріне рұқсат беріледі.

Әйтсе де ботокстың зияны басым немесе зияны мен пайдасы тең болса, онда оны қолдануға тыйым салынады. Себебі шариғатымызда өзіне де, өзгеге де зиян тигізуге рұқсат жоқ. Сондай-ақ екі зиян нәрсе тап болса, оның жеңілі қалдырылып, үлкені жойылады делінген.

Ботокс жасатудың екі тәсілі бар: емдік және косметологиялық. Косметологияда ол бет әжімдерін тегістеу мақсатында қолданылады. Емдік мақсатта оны церебралды паралич, қисық мойын, инсульттан кейін, оның бұлшық етке және шап аймағына кез келген аурулардың салдарынан пайда болған бет ассиметриясын жою үшін, артық тер бөлінуін болдырмау үшін қолданылады.

Ботокс бұлшықетке еніп, оны қимылсыздандырады. Оны енгізудің мақсаты – әжімдерді тегістеу. Ботокс бұлшықетке еніп, теріні қатырып тұрады, ал әжім тиісінше сол сәтте тегіс күйге енеді де, әжімнен құтылуға мүмкіндік береді.

Мамандардың айтуынша, ботокс ағзаға зиянды, жүйке жүйесін, мимиканы бұзады және тәуелділікті тудырады. Адамдардың ағзасы әртүрлі болғандықтан, біреу ботоксты жақсы қабылдаса, екіншісінің оған қарсы аллергиясы болуы мүмкін. Ал жасы ұлғайған сайын беттегі бұлшықеттер әлсірейді. Сәйкесінше ботулинотерапияның мөлшері де азаяды. Дегенмен ол адамның өмір сүру дағдысына, ағзаның зат алмасуына тікелей байланысты.

Дайындаған Хасан АМАНҚҰЛ,

«Мұнара» газеті, №2, 2022 жыл

ДЕРЕККӨЗІ muftyat.kz

ҚМДБ ресми сайты

Жарияланған мақалалар мен шет елдік сайттардан алынған аудармалардың авторлық құқығы Azan.kz сайтына тиесілі.

Толығырақ

Предыдущий	Следующий
КӨЛІКТЕ НАМАЗ ОҚУҒА БОЛА МА?	АШУРА КҮНІНДЕГІ АМАЛ
08.08.2022 1745 0	05.08.2022 1312 0

Оқырмандардың пікірі (0)

Қызықты тақырыптар

Сұрақ-жауап ҚҰНДЫ ҚАҒАЗДАН ЗЕКЕТ БЕРУГЕ БОЛА МА?

Белгілі бір компания өз жобаларын қаржыландырғысы келсе, арнайы құнды қағаз (сукук) шығарады және әрбір құнды қағаздың номиналды құны болады. Бұл құнды қағаз акция (пай) немесе облигация болуы мүмкін....

19.07.2022 816 0

Сұрақ-жауап МОНОПОЛИЯНЫҢ ҮКІМІ ҚАНДАЙ?

«Монополия – (гректің monоs) – жалғыз және (poleo) сатамын» деген екі тіркестен туындаған сөз, ал шариғат терминологиясында «ихтикар» деп аталады.

29.06.2022 782 0

Сұрақ-жауап АХАТ АРҚЫЛЫ НЕКЕ ҚИЮДЫҢ ШАРИҒИ ҮКІМІ ҚАНДАЙ?

Неке – ер мен әйелдің шариғат бойынша адал жолмен отбасын құру келісімі[1]. Отбасын құрып, шаңырақ көтеру – адам өміріндегі ең маңызды қадамдардың бірі. Оның шарттары мен талаптары заң жүзінде ғана емес, дін негізінде де дұрыс орындалуы тиіс. Қазіргі таңда елімізде АХАТ[2] арқылы некеге тіркелу мына...

15.06.2022 991 0

Сұрақ-жауап ҚАЙ УАҚЫТТА ЗЕКЕТ БЕРУГЕ БОЛАДЫ?

Ислам дінінде балиғатқа толған, ақыл-есі дұрыс,қарызы мен қажеттілігінен артық өсімді мал-дүниесі (ақша, алтын, күміс, сауда заттары және жайылымдағы төрт-түлік малы) нисап мөлшеріне жетіп, сол нисапқа бір жыл бойы иелік еткен мұсылманның мал-мүлкінен зекет беруі – парыз (Фатху бабил ғиная, 2 том, 5...

14.06.2022 1 637 0

Сұрақ-жауап МҰСЫЛМАН ӘЙЕЛ ӨЗГЕ ДІН ӨКІЛІНЕ ТҰРМЫСҚА ШЫҒА АЛА МА?

Шариғатта мұсылман әйелге мұсылман емес ер кісіге тұрмысқа шығуына рұқсат етілмейді. Үйленген жағдайда, араларындағы неке дұрыс саналмайды[1].

13.06.2022 1 845 0

Сұрақ-жауап ШАРИҒАТ АПИТЕРАПИЯЛЫҚ ӘДІСПЕН ЕМДЕЛУГЕ НЕ ДЕЙДІ?

Апитерапия – адам денсаулығын жақсарту үшін бал араға шақтыру арқылы уымен емдейтін, сондай-ақ бал араларынан тікелей келетін өнімдерді қолданатын баламалы терапия түрі....

30.05.2022 1 032 0