Рамазанға дайындалуға көмектесетін 7 кеңес
Рамазан айына санаулы күндер ғана қалды, сондықтан баршамызға қасиетті айға ақылмен, рухани және физикалық тұрғыда дайындалу өте маңызды. Рамазан – тақуалық пен имандылық мезгілі, алайда Рамазан келісімен ғажайып орын алып, иманымыз өзінен-өзі артып кетеді деп күту орынсыз. Қасиетті айды ең жақсы күйде өткізу үшін біз тақуалық бейнесін қалыптастыруға кішігірім қадамдар жасауымыз қажет.
Сізге Рамазанға дайындалуға көмектесетін 7 кеңес:
1. Шынайы және тұрақты тәубе қылыңыз
Тәубеге келу үшін Рамазанның басталуын күтпеңіз. Тәубе қылыңыз және Рамазанға күнәсіз бару үшін Алладан күнәларыңыздың кешірілуін сұраңыз!
Жүргенде, ас әзірлегенде, ұйықтар алдында және т.б. үнемі «Астағфирулла» деп айтып жүріңіз. Бұл сөз тіліңізден өзінен-өзі ағылып тұрғанға дейін жасаңыз!
2. Күнделікті байқалмайтын кішігірім күнәлардан тыйылу
Рамазан – біз өзіміз кейде байқамайтын, әбден бойымыз үйреніп кеткен зиянды әдеттерден арылуға үлкен мүмкіндік. Оразаның алдында арылуыңыз керек барлық зиянды әдеттеріңіздің тізімін жасаңыз және олармен жұмыс жасауды алдын-ала бастаңыз. Рамазан айы келгенде, Алланың қалауымен, сізге барлық зиянды әдеттерден құтылу оп-оңай болады.
3. Зиянды әдеттерді жақсыларына алмастыру
Пайғамбар (оған Алланың игілігі мен сәлемі болсын) айтады: «Қайда болсаң да Алладан қорық. Бір жамандық істеп қоятын болсаң, оның артынан дереу жақсылық жаса. Жамандықты жақсылық жоятын болады. Адамдармен көркем түрде қарым-қатынас жаса» [Ат-Тирмизи].
Игі істер жаман істерді жояды. Өміріңізде кіші сүннеттерді жаңғырту – дұға оқу сынды кішігірім заттардан бастаңыз. Қосымша (нәпіл) намаздарды оқып бастаңыз, егер мұны бастамаған болсаңыз, жиі садақа беріп тұрыңыз. Қайырымды істердің көбейгені сіздің зиянды әдеттерден арылуыңызға септігін тигізеді деп үміттенеміз.
4. Шын жүректен дұға жасаңыз
Дұғаның күшін бағаламауға болмайды. Сіз Аллаға қол жайған сәтте өз Раббыңызбен жеке әрі эмоционалды тілдесуге көшесіз. Қандай ғажайып мүмкіндік, СубханАлла!
Алладан өзіңіздің жақсы жаққа өзгеруіңізді және Рамазан айын ең жақсы жолмен өткізуіңізді , өзіне жақындай түсуіңізді сұраңыз.
5. Білім іздеңіз. Амал етіңіз. Бөлісіңіз.
Әбу Хұрайра (Алла оған разы болсын) айтады: «Алла Елшісі (оған Алланың игілігі мен сәлемі болсын): «Кімде-кім білім жолында жүрсе, Алла оған жәннатқа апарар жолды жеңілдетеді» [Муслим].
Оразаңызды дұрыс орындап жүргеніңізге сенімді болу үшін Ораза туралы білімді Рамазанның алдында іздеңіз. Қандай заттар оразаны бұзатынын және оразаға қатысты басқа да дүниелерді үйреніңіз. Сіз білім алуға жұмсаған әрбір секундыңыз үшін марапатталатын боласыз.
6. Күніңізді Құранмен бірге жоспарлаңыз және аяттардың мағынасын түсінуге тырысыңыз
«(Мұхаммед Ғ.С.) саған бір мүбарак Кітап түсірдік; аяттарын түсінсін әрі ақыл иелері үгіт алсын» [Құран 38:29].
Құранды күнделікті өміріңіздің бір бөлшегіне айналдырыңыз, бірнеше аят оқысаңыз да, сол аяттардың мағыналық аудармасын оқуға тырысыңыз ( https://azan.kz/maktabah/kutub/Koran-i-ego-tafsiryi ). Сондай-ақ тереңірек түсінік қалыптастыру үшін аяттардың түсіндірмелерін де тыңдаған абзал. Рухани байланыста болу үшін миыңызды жаттықтырыңыз, күніне бірнеше минуттан бастаңыз, біртіндеп уақытты ұзартасыз. Құранның тәпсірін біздің сайтымыздан тыңдай аласыз: https://azan.kz/kz/audio/view/quran-tapsiri-127
7. Рамазанда қол жеткізгіңіз келетін мақсаттарыңыздың тізімін жасаңыз
Бұл расымен маңызды, жоспар құрыңыз, мақсаттар қойыңыз! Ол кез келген нәрсе болуы мүмкін, жаңа дұға немесе сүрелер жаттау немесе Рамазан айы бойы күнделікті Құранның белгілі бір беттерін қайталау болсын. Күнделікті жоспар құрыңыз және өзіңізге шындыққа жанасатын әрі қолжетімді мақсаттар қойыңыз.
«Егер сіз жоспарламасаңыз, сіз сәтсіздікке ұшырауды жоспарлаудасыз»
«Жәннат ұпайларын» бүкіл ай бойы жинайық! Алла баршамызға иманымыз бен біліміміз молая түсетін қасиетті Рамазан айын қарсы алуды нәсіп етсін! Әмин!
Жарияланған мақалалар мен шет елдік сайттардан алынған аудармалардың авторлық құқығы Azan.kz сайтына тиесілі.
 Предыдущий |
Следующий |
| Құранда ғылым-технология жайлы айтылған ба? | Кешірім айы Рамазанға бір қадам |
Тақырып аясындағы мақалалар
Қызықты тақырыптар
Намаз уақыттары 
