ТЕРРОРИЗМ - ЖАУАПТЫ ШЫНДЫҚ
Терроризм сөзінің қазір жиі айтылатыны соншалық ХХІ ғасырдың шекарасы жоқ алапаты деп айтуға болады.
Терроризм – күш қолдану арқылы жүргізілетін идеологиялық саяси күрес екендігі белгілі. Оның негізгі мәні – қоғамда үрей тудыру, тыныштықты бұзу. Осы мақсатқа жеткісі келетін террористік ұйымдар әлі де жетіп артылады. Терроризммен күресте жеке дара күресу тиімсіз, сондықтан түрлі сала мамандарымен және әр түрлІ елдермен уағдаластықта жүргізілетін маңызды жұмыстың бірі.
Бүгінгі күнде орын алған террористік актілерге сүйене отырып террордың екі түрін атауға болады, бірі жекелеген, яғни бір не екі адамның әрекетімен жүзеге асса, ұйымдасқан терроризм - белгілі ұйымдасқан топтардың жоспарымен болады. Сараптама орталықтарының зерттеу жұмыстарына сәйкес көптеген террорлық ұйымдар Орта Азия елдерінде халифат орнатқысы келетін ниеті бар екендігін айтуда және бұл адамзат тарихының ілгері даму жолында көптеген елдер үшін қауіпті екендігін ескеруіміз қажет.
Елімізде экстремизм және терроризммен күресте мүдделі мемлекеттік органдар мен дінтанушылар, исламтанушылар, психологтар секілді осы сала мамандары тұрақты түрде арнайы жекелеген не жалпы жұмыстар жүргізіп, дерадикализация бағытында өзіндік үлес қосуда.
Өз тәжірибемізге сүйенетін болсақ бас бостандығынан не әкімшілік жауапкершілікке тартылған азаматтармен сөйлесу барысында экстремизм және терроризмді насихаттау, діни алауыздық тудыру, терроризм актісі туралы жалған ақпарат беру бойынша жауапкершілікке тартылған азаматтар саны көбірек.
Ішкі істер министрлігінің ақпаратына сәйкес терроризм бойынша биыл 52 қылмыстық іс қозғалған.
Айталық, құқық қорғау органдарының ақпаратына сәйкес, спорт зал, базар, мектеп тағы басқа адам көп шоғырланған орындарда, мемлекеттік органдарға немесе осындай маңызы бар нысандардың электронды адрестеріне көбіне орыс тілді форматта «заложена бомба» деген электрондық хабарламалар келіп түскен. Осындай жалған ақпараттың басым көпшілігі шет елден жолданған хабарламалар болғанымен де өз азаматтарымыз арасында да жалған ақпараттар таратып, тиісті жаза арқалағандар бар. Мысалы, жедел іс шара жұмыстарын жүргізу барысында 36 жастағы Қостанай қаласының тумасы ұсталып, арнайы іс-қозғалып, бас бостандығынан айырылған болатын. Аталған тұлға басқа адамның атымен электрондық пошта ашып, шындыққа негіз жоқ терроризм актісі туралы жалған хабарлама жіберген.
Тіпті осындай терроризм актісі туралы жалған ақпаратпен мектеп оқушылары да ұсталып, арнайы түсіндіру жұмыстары жүргізілген және көп жағдайда ата-аналарына 1 млн теңгеге дейін айыппұыл салынған.
Дәл осы жағдайда кәмелет жасына толғандар арасында терроризм туралы жалған ақпарат таратқаны үшін елімізде 7 жылға дейін бас бостандығынан айыру жазасы кесілетіндігін барлығымыздың ескергеніміз жөн.
Тіпті қала арасында не басқа елдерге ұшу үшін әуежайда рейске кірер уақытта не басқада маңызды тексеріс орындарында жарылғыш зат, пышақ, суық қару-жарақ не басқа да қауіпті заттар бар жоғын сұрағанда қызметкерлерге «ия, бар» деп қалжыңдап айтып, талай қылмыстық іс қозғалып, рейстен шегеріліп, бірнеше ай жауап алынып, тергеу жұмыстары жүргізіліп, заң аясында арнайы жауапкершілік арқалаған азаматтар да болған.
Сондықтан экстремизм және терроризм бұл ойын емес екендігін, әсіресе бала тәрбиесінде жан-жақты түсіндіріп, өскелең ұрпаққа тиісінше жалған мен шындықты ажырата алатын ақпарат беріп, еліміздің бейбітшілігінің бекем болуына жұмыла күресуіміз қажет.
Алматы қаласы Дін істері жөніндегі
басқармасының жанындағы «Кеңес
беру және оңалту» орталығының
маманы Абдрасимов Ердаулет
Жарияланған мақалалар мен шет елдік сайттардан алынған аудармалардың авторлық құқығы Azan.kz сайтына тиесілі.
 Предыдущий |
Следующий |
| ЕҢ АБЗАЛ САДАҚА – ДІН ЖОЛЫНДА ДҮНИЕ ЖҰМСАУ | ПАЙҒАМБАР МЕН САХАБАЛАР ЗАМАНЫНДАҒЫ УАҚЫП ІСІ |
Қызықты тақырыптар
Намаз уақыттары 
