Әлем мұсылмандары: Араққа Румидің аты берілуіне қарсымыз!
Голландиядағы түріктер Гаага қаласында жасап шығарылған араққа «Руми» атының берілуіне наразылықтарын білдіруде. Мұндағы «Руми» – ислам әлеміндегі әйгілі әулие Жәлаладдин Руми екені мәлім.
ВСС-дің хабарлауынша, арақты түбі ауғанстандық Афран Бадахани жасап шығарған. Ол бұл ісімен Жәлаладдин Румидің түріктерге еш қатысы жоқтығын дәлелдеп, әулиеге құрмет білдірмекші болған. Ең сорақысы ол «Бұл арақ – Румиге тартқан сыйлығым» деп сұқбат берген.
Бұл жағдай Голландия мұсылмандары мен түріктердің қатты наразылығын тудыруда. Бәрімізге белгілі, Жәлаладдин Румидің қабірі Түркияның Коня қаласында орналасқан. Мұндай келеңсіздікке байланысты Коня қаласының әкімі Уғур Ибраһим Алтай Твиитерде өз пікірін білдіріп, тиісті шара көретінін айтты. Сондай-ақ, ол «Хазрет Маулана Коняның ғана емес, еліміздің және бүкіл дүние жүзінің ұлы тұлғасы» деді.
Уғур Ибраһим Алтай Голландиялық билігіне 2,5 млн кониялық мұсылмандар атынан хат жолдап, Жәладдин Румидің атымен шығып жатқан арақтың сатылуына тоқтау салуын сұрады.
Azon.uz
Қызықты тақырыптар
Намаз уақыттары 
