«ӘЛИ - МҰХАММЕД» МЕШІТІНДЕ «ИМАНИ ЖАЗ-2023» КУРСЫ АЯҚТАЛДЫ
«Әли-Мұхаммед» мешітінің жанынан ашылған «Имани Жаз-2023» діни сауат ашу курсына мектеп жасындағы 95 ұл бала және 101 қыз бала қабылданып, бүгінде шәкірттер айлық курсты аяқтады.
Мешіттің бас имамы Ержан Бостанұлы сауат ашу курсын аяқтаған шәкірттерге курсқа қатысқаны жайлы сертификаттар табыстап, Алладан алдағы оқу жылына сәттілік тіледі. Жазғы сауат ашу курсында «Құран әліппесі», «Құранды тәжуидпен оқып үйрену», «Мұсылмандық әдеп», «Қол өнерін үйрену», тағы басқа дәстүрге сай дәрістер жүргізілді. Курс аяқталған соңғы күнде балаларға тәттілер үлестіріліп, арнайы дастархан жайылды. Мешіт ауласына балалар ойнайтын батут әткеншектер құрылды. Жазғы демалысын сауат ашу дәрістеріне арнаған оқушыларға көтеріңкі көңіл-күй сыйланды.
Алматы Орталық мешітінің баспасөз қызметі
Тақырып бойынша жаңалықтар
Қызықты тақырыптар
Намаз уақыттары 
