Алматы: Бас мүфти «Azan.kz» ұжымын құттықтады (ФОТО)
Бүгін Алматы қаласының Бас имамы Төлеби Оспан «Azan.kz» сайтының ұжымына ҚМДБ Төрағасы, Бас мүфти Наурызбай қажы Тағанұлының Байланыс және ақпарат қызметкерлерінің күніне орай жолдаған құттықтау хатын оқып берді.
Бас имам өз сөзінде Діни басқарманың 2021 жылға арналған бағдарламаның 7 бағытының бірі – ақпарат және қоғаммен байланыс саласын дамытуда сайт ісінің маңызы үлкен екенін атап өтті. Сондай-ақ осы бағытта қызмет атқарып жүрген сайт ұжымына ризашылығын білдіріп, құттықтау ретінде арнайы әзірлеген сыйлық пен сыйақы табыстады.
Бас мүфти құттықтау хатында:
«Құрметті «Azan.kz» сайтының ұжымы!
Сіздерді кәсіби мерекелеріңіз – Байланыс және ақпарат қызметкерлерінің күні мерекесімен шын жүректен құттықтаймын! Имандылық пен адамгершілік құндылықтарды насихаттап, ізгіліктің жаршысы болып жүрген Сіздерге, отбасыларыңызға Алланың амандығы мен берекетін тілеймін! Ел игілігі жолындағы қызметтеріңізге Жаратқан Жаббар Иеміз жар болғай!
Алла Тағала мерейлеріңізді үстем етіп, ізгі амалдарыңыздың сауабын еселеп жазғай! Халықты бірлік пен мейірімділікке үндеген жұмыстарыңыз берекелі болғай! Екі дүниенің нығметіне бөленулеріңізге тілектеспін!» – деді.
Қызықты тақырыптар
Намаз уақыттары 
