Алматы Орталық мешітінде 700 отбасыға айттық сыйлық үлестірілді (ФОТО)
Бүгін ҚМДБ-ның төрағасы, Бас мүфти Наурызбай қажы Тағанұлының «Жүрек жылуы» бастамасы аясында Алматы Орталық мешітінің ұйымдастыруымен және ережесіз жекпе-жектен әлемнің үш дүркін чемпионы Ардақ Назаров, Сырым Тау сынды кәсіпкер азаматтар мен жомарт жандардың демеушілігімен Ораза айт мейрамының құрметіне 700 отбасыға 700 айттық сыйлық қорапшалары үлестіріліп, үйлеріне жеткізілді.
«Жүрек жылуы» қайырымдылық шарасында сөз алған Алматы қаласының бас имамы Еркінбек Шоқай қасиетті Рамазан айында ұстаған оразамыз бен құлшылықтарымызды, жасаған қайырымды істеріміз бен садақаларымызды, ізгі ниет пен дұға-тілектерімізді қабыл етсін деді. Сондай-ақ, баршаны Ораза айт мерекесімен құттықтап, қайырымдылық шарасына үлес қосқан жомарт жандарға алғыс білдірді. Сонымен қатар, 700 отбасыға аттық сыйлық қорапшалары арнайы көліктермен үйлеріне жеткізілетін айтты.
Ал, қайырымдылық шарасына ұйтқы болған кәсіпкер азаматтар елімізге амандық, жұрытымызға тыныштық тілеп, ораза айтпен құттықтады.
Алматы Орталық мешітінің баспасөз қызметі
Қызықты тақырыптар
Намаз уақыттары 
