АЛМАТЫ: "ЫРЫС АЛДЫ ЫНТЫМАҚ" АТТЫ ЖАМАҒАТПЕН ЖҮЗДЕСУ ӨТТІ
Бостандық ауданы «Байкен» мешітінің ұйымдастыруымен Ережеп айының құрметіне «Ырыс алды – ынтымақ» атты жамағатпен жүздесу кеші өтті.
Алматы қаласының бас имамы Төлеби Дәділұлының бастамасымен қалалық мешіттер жамағатпен жарқын байланыс мақсатында түрлі Іс-шаралар өткізу қолға алынған болатын. Кезекті игі бастама Бостандық ауданы «Байкен» мешітінің бас имамы Данияр Жұмабаевтың ұйымдастыруымен «Ырыс алды – ынтымақ» атты жамағатпен жүздесу кеші өтті. Алматы Орталық мешітінің наиб имамы Ержан Базарбекұлы «Мұсылманның көркем мінез-құлқы» жайлы уағыз айтса, «Орбита-3» мешітінің бас имамы Жанболат Райымбекұлы «Тақуалық, дұғаның қабыл болуы» тақырыбындағы әсерлі әңгіме жиналған жамағат көңілінен шықты. Дастархан басында жамағатқа https://kahoot.it бағдарламасы арқылы Пайғамбарымыздың (оған Алланың салауаты мен сәлемі болсын) өмір-тарихынан, ғибадатқа қатысты мәселелерден және ұлтымыздың салт-дәстүріне байланысты сұрақ-жауаптар ұйымдастырылды. Кеш соңында «Байкен» мешітінің бас имамы Данияр қари ұйымдастырушылар мен мешіт жамағатына алғысын білдіріп, рахметін айтты. Жеңімпаздарға арнайы сыйлықтары үлестірілді.
Алматы Орталық мешітінің баспасөз қызметі
Қызықты тақырыптар
Намаз уақыттары 
