Алматы: Жат ағымдардың жетегінде кеткендермен жұмыс қарқынды жүруде
Теріс ағымның жетегінде кеткен еліміздің азаматтарымен терең жұмыс жасау мақсатында Алматы қаласында «Кеңес беру және оңалту орталығы» құрылған болатын.
Арнайы психолог мамандар, заңгер, теологтар, ұстаздар қызмет жасайтын орталық ашылғалы бері қарқынды жұмыс істеуде. Атап айтар болсақ, орталықта ағымдағы жылы деструктивті діни ағым ықпалында жүрген 165 адаммен, оның ішінде, 140 ер және 25 әйел адаммен психолог және теолог маманның қатысуымен оңалту жұмыстары жүргізілді. Сұхбат барысында еліміздегі зайырлы қоғамның құндылықтары, еліміздің дәстүрлі Әбу Ханифа мазхабы түсіндіріліп, саналарында қалыптасқан деструктивті діни көзқарастарға дәлелдермен жауаптар беріліп, ұстанымдарын өзгертуге ықпал жасалынды.
Сонымен қатар, түзету мекемелері мен ҰҚК тергеу изоляторында экстремизм және терроризм баптары бойынша жазасын өтеп жатқан азаматтармен кездесулер өткізіліп, түсіндіру жұмыстары жүргізілді. Сондай-ақ, Алматы қаласы әкімдігі және Алматы қаласы Қоғамдық даму басқармасымен бірлескен түрде Алматы қаласы мешіттерінің білікті имамдары да түзету мекелері мен кеңес беру, оңалту орталықтарында жат ағымның жетегінде кеткен отандастарымызбен тыңғылықты жұмыстар атқаруда.
Бұдан басқа, Орталықтың «Имани гүл» филиалында да тұрғындардың діни сауаттылықтарын арттыру мақсатында әйел азаматшалар үшін тұрақты кеңес беру және оңалту жұмыстары жүргізіліп келеді.
Қызықты тақырыптар
Намаз уақыттары 
