Алматы: «Жетім көрсең жебей жүр!» жобасы аясында 500 отбасыға көмек көрсетілді (ФОТО)
Бүгін ҚМДБ Төрағасы, Бас мүфти Наурызбай қажы Тағанұлы хазреттің бастамасына орай, ҚМДБ «Зекет және қайырымдылық» қорының ұйымдастыруымен Алматы қалалық Орталық мешітінде республикалық «Жетім көрсең жебей жүр!» жобасы аясында қайырымдылық шарасы өтті.
Бұл игі шараға Алматы қаласының бас имамы Еркінбек Шоқай, қала мешіттерінің имамдары және ерікті жамағат қатысты.
Игі шара барысында сөз алған қаланың бас имамы Еркінбек Шоқай, ең алдымен, қатысушыларды қасиетті Рамазан айымен құттықтап, қайырымдылық марафонының маңыздылығына тоқталды. Дінімізде жетім-жесірге қарайласудың, қамқор болудың сауабы мол екенін атап өтті. Сонымен қатар, тағдырдың жазуымен әке-шешесінен ерте айырылған яки қараусыз қалған отбасыларға қол ұшын беріп, жақсылыққа жаршы болған барша жомарт жандарға алғыс білдірді.
Содан қайырымдылық себеттері қаланың Бас имамы Еркінбек Шоқайдың қатысуымен мұқтаж жандардың үйлеріне имамдар мен еріктілердің көмегімен арнайы көліктерде жеткізілді.
Қызықты тақырыптар
Намаз уақыттары 
