Алматыда "Фараби" көптомдығы жарық көрді
Алматы қаласы, ҚР Ұлттық кітапханасының «Әл-Фараби» ғылыми орталығында белгілі жазушы, драматург Роллан Шәкенұлы Сейсенбаевтың «ФАРАБИ» атты көп томдық жинағының тұсаукесер рәсімі өтті.
Шараға Мұрат Әуезов, Жақыбек Алтаев, Мереке Құлкенов, Сағатбек Медеубек сынды қоғам қайраткерлері, ақын-жазушылар, журналистер және студент жастар қатысты.
Жинақ ұлы ойшыл Әбу Насыр әл-Фарабидің 1150 жылдық мерейтойы аясында Қазақстан Республикасының Мәдениет және спорт министрлігі Тіл саясаты комитеті «Мәдениет және өнер саласындағы бәсекелестікті жоғарылату, қазақстандық мәдени мұраны сақтау, зерделеу мен насихаттау және мұрағат ісінің іске асырылу тиімділігін арттыру» бағдарламасының «Әдебиеттің маңызды түрлерін сатып алу, басып шығару және тарату» кіші бағдарламасы бойынша Халықаралық «Абай» клубының, әл-Фараби атындағы Қазақ Ұлттық университетінің және Әлем халықтары әдеби университетінің қолдауымен жарық көрді.
«ФАРАБИ» атты көп томдығы
І-том: Қайырымды қала
ІІ-том: Философиялық трактаттар
ІІІ-том: Әлеуметтік-этикалық трактаттар
ІV-том: Музыка туралы үлкен кітап
V-том: Ғылым туралы кітап
VI-том: Ой-сана туралы кітап
VІІ-том: Ұстаздың оралуы
Қызықты тақырыптар
Намаз уақыттары 
