Ақтөбе: «Рамазан – 2020» мобильді қосымшасы шықты
Қасиетті айдың құрметіне Ақтөбе облыстық орталық «Нұр Ғасыр» мешіті «Рамазан – 2020» мобильді қосымшасын іске қосты.
Оразаға орай, қалың жұртшылыққа ұсынылған мобильді қосымшада он екі айдың сұлтаны хақында аса құнды мәліметтер жан-жақты сараланып, қамтылды. Сонымен қатар «Ораза» кітабы және ораза жайлы хадистер енгізілді. Мұнымен бірге қасиетті Қадір түні, сәресі мен ауызашар дұғасы, Ораза айт мерекесін атап өтуге қатысты қажетті мағлұматтар бар. Сондай-ақ, биылғы Қазақстан қалаларының Ораза кестесі, тарауық намазы, зекет пен пітір көлемі жөнінде тиісті ақпарат берілді. Ең бастысы, Ораза ұстаушыларды толғандыратын негізгі сұрақтардың нақты жауаптары топтастырылды.
Қосымшаға енгізілген мәліметтер Қазақстан мұсылмандары діни басқармасының muftiat.kz және Ақтөбе облыстық өкілдігінің nurgasir.kz сайттарынан, сондай-ақ, «Ислам ғылымхалы» кітабы мен islam.kz сайтынан алынды. Қосымшаны Play Market-тен «nurgasyr.kz» деген атпен табуға болады. «Рамадан» атауымен қосымшалардың көптігінен және бұл қосымша жақында шыққандықтан, Play Market тізімінен шықпай жатыр. Сондықтан әзірге «nurgasyr.kz» сөзі арқылы кіріп, жүктеп алуға болады.
Ақтөбе облыстық «Нұр Ғасыр» мешітінің баспасөз қызметі
Қызықты тақырыптар
Намаз уақыттары 
