ӘУЕЗОВ АУДАНЫ ИМАМДАРЫНА «QAMQOR-SHARAPAT» ҚЫЗМЕТІ ТҮСІНДІРІЛДІ
Әуезов ауданы «Ақсай» мешітінде «QAMQOR-SHARAPAT» салттық қызмет көрсету орталығының қызметі түсіндірілді.
«QAMQOR-SHARAPAT» салттық қызмет көрсету орталығының директоры Талғат Дайрабайұлы мен «Ақсай» мешітінің бас имамы Бақтияр Қасымалиев ауданның дін қызметкерлеріне салттық қызмет көрсету туралы және діни рәсімдерді атқарудағы түйткілді мәселелер турасында жиын өткізді. Дін қызметкерлеріне діни рәсімдерді атқарумен қатар, тартымды уағыз айту, жан-жақты білімі мен жамағатты өркениет көшіне бастау, отансүйгіштікке тәрбиелеу сынды міндеттер жүктелуде. Сондықтан дін қызметкерінің кәсіби шеберлігін дамыту, біліктілігін арттыру бүгінгі күннің ең маңызды мәселелерінің біріне айналып отыр. Жерлеу рәсімін барлық жерде бірізділікке түсіру мақсатында «Жаназа және жерлеу рәсімдері» атты кітабы бойынша өткізілген басқосу жиыны оң нәтиже бермек.
Алматы Орталық мешітінің баспасөз қызметі
Тақырып бойынша жаңалықтар
Қызықты тақырыптар
Намаз уақыттары 
