БІЛІМ КҮНІНДЕ МЕДРЕСЕ ШӘКІРТТЕРІМЕН КЕЗДЕСТІ
Бүгін 1 қыркүйек Білім күні қарсаңында Алматы қаласының бас имамы Төлеби Дәділұлы «Әбу Ханифа» медресе-колледжінің шәкірттерімен кездесті.
ҚМДБ Төрағасы, Бас мүфти Наурызбай қажы Тағанұлының Білім күнімен құттықтауын шаһардың бас имамы Төлеби Дәділұлы мен «Әбу Ханифа» медресе-колледжінің директоры Құлмұхаммед қажы Маханбет жас шәкірттерге жеткізді. Алдағы оқу жылына қажыр-қайрат пен сәттілік тіледі. Суфиян ибн Уйайнә (р.а.) айтқандай: «Білімнің басы – дұрыс құлақ асу, сосын көңілге тоқу. Мұнан кейін жаттау. Сосын білгенге амал ету. Кейін, білімімен бөлісу», - деп, зейінді білім иесі болуға жетелеп, жігер беретін ұлағатты сөздер айтылды. «Білімді мен қатардағы құлшылық етушінің арасы - толған ай секілді», - деп, білім алу адамзат үшін аса маңызды іс екенін, ізгілік пен даналыққа алып барар сара жолда тайсалмауға шақырды қаланың бас имамы Төлеби Оспан.
Жаңа оқу жылына барша шәкірттер мен ұлағатты ұстаздарға сәттілік тілеп, батасын берді.
Алматы Орталық мешітінің баспасөз қызметі
Қызықты тақырыптар
Намаз уақыттары 
