Жаңалықтар

Жаңалықтар Ел тынысы "ЕЛ ҮЛЕСІ - ПӘТЕРГЕ": 142-баспана Аралдық отбасыға табысталды

"ЕЛ ҮЛЕСІ - ПӘТЕРГЕ": 142-баспана Аралдық отбасыға табысталды

23.10.2019 3 360 0

ҚМДБ "Зекет қоры" қайырымдылық қорының Қызылорда облысы бойынша өкілдігі,"Арал аудандық Орталық мешіт" жамағаты және кәсіпкерлердің бірігуімен "Ел үлесі пәтерге" әлеуметтік жобасы аясында Аралдық отбасы баспаналы болды.

Айта кетейік, аталмыш жоба басталғалы бері республика бойынша 142 баспана сыйға берілсе, Қызылорда облысының өзінде 16 үй әлеуметтік жағдайы төмен отбасыларға табысталды. Бұл жолы да әдетінен жаңылмаған игі жоба Қызылорда облысына қарасты Арал ауданында тұратын жалғыз басты ана мен балаларын қуанышқа бөледі.

Пәтер кілтін табыстау салтанатына қатысқан ҚМДБ-ның Қызылорда облысы бойынша өкіл имамы, "Ақмешіт-Сырдария" орталық мешітінің бас имамы Болатбек Ұласқанұлы, ҚМДБ "Зекет қоры" корпоративтік қорының Қызылорда обылысы бойынша өкілі Жидебаев Оңталап құттықтап жаңа пәтер кілтін табыстады.

Шара соңында өкіл имам Б.Абуов сол үйдің салынып бітуіне бас-қасында жүрген жанашыр азаматтарға ризашылығын жеткізіп, алғыс білдірді.

Сонымен қатар, ҚМДБ Зекет қорының Қызылорда облысы бойынша өкілдігінің ұйымдастыруымен бас имам Болатбек Ұласқанұлы Қазалы ауданының тұрғыны Тұрышов Ерболдың отасына (операциясына) көмек ретінде 50 000тг көлеміндегі қайырымдылық сертификатын анасы Аяпбергенова Айнагүлге табыс етіп, аман-есен жазылып келуін тіледі.

ДЕРЕККӨЗІ muftyat.kz

ҚМДБ ресми сайты

Оқырмандардың пікірі (0)

Қызықты тақырыптар

ҚМДБ: Форумға 500 имам қатысады

Елордада Қазақстан мұсылмандары діни басқармасының ғимаратында өтетін «Рухани құндылықтар – қоғам бірлігінің негізі» атты ІІІ республикалық имамдар форумына 500 дін қызметкері қатысады. ...

22.10.2019 3 667 0

ҚМДБ: Ершат Оңғаров – наиб мүфти (ФОТО)

Бас мүфти Серікбай қажы Ораздың бұйрығымен Ершат Оңғаров наиб мүфти қызметіне тағайындалды.

22.10.2019 3 803 0

ІІІ Республикалық имамдар форумынан не күтеміз?

Қазан айының 23-күні елордадағы ҚМДБ ғимаратында ІІІ республикалық имамдар форумы өтеді. Биылғы форум аясында маңызды деген бірнеше құжат қабылданады деп күтілуде. Осыған орай игі шара қарсаңында ҚМДБ төрағасының бірінші орынбасары, наиб мүфти Наурызбай қажы Тағанұлымен сұхбаттасқан едік....

18.10.2019 3 435 0

Өкіл имам Халықаралық форумға қатысып, «Хабар» арнасына сұхбат берді (ФОТО)

Мәдениет және спорт министрлігі ЮНЕСКО Мәденитеттерді жақындастыру орталығы Мәдениеттерді жақындастырудың Халықаралық Онжылдығы аясында (2013-2022 жж.) «Ислам ағартушылары Фарабтан, Бағдаттан және Кордобадан еуропалық шіркеулер арқылы білім мәдениетіне» атты ІІ Алматы Халықаралық Еуразия мәдениеттер...

18.10.2019 2 025 0