«ЕНЕМ - ЫРЫСЫМ, КЕЛІНІМ - ТЫНЫСЫМ» РУХАНИ КЕШ ӨТТІ
Алатау ауданы «Д.Қонаев» мешітінде «Енем - ырысым, келінім - тынысым» атты рухани кеш ұйымдастырылды.
Рухани кеш Алланың кәламы «Фатиха» сүресімен басталып, ақ батамен жалғасты. Кеш барысы ҚМДБ «Әйел - қыздар секторы» Алматы өкілдігі бойынша жауапты маман Гүлмира Ілесбайқызы ақ жаулықты әжелердің мәртебесіне тоқталса, «Д.Қонаев» мешітінің ұстазы Ибраева Ғалия дін мен дәстүрге шолу жасады.
Шара барысы ене мен келіннің қарым-қатынасына қатысты сұрақтармен басталып, жамағаттың білімін шыңдау мақсатында тақырыпқа сай викториналық сұрақтар қойып, дұрыс жауап берген қатысушыларға сыйлықтар таратты. Ары қарай өткеннен ғибрат алып, келешекке кемел ұрпақ қалдыру ниетінен туындаған қойылым көрсетілді. Қоғамда ене де, келін де бірін-бірі сыйлап, шаңырақтың шайқалмауын ойласа, енесі келініне білмегенін үйретіп, қызындай көрсе, бір - біріне деген қызметі құрметпен көрсетілсе нұр үстіне нұр екені айтылды.
Рухани кеш қонағы «Алғабас» мешітінің ұстазы Жұлдыз Ерланқызы «Исламдағы әйел мәртебесі» жайлы мағлұмат айтылып, кеш ұйымдастырушыларына сыйлықтар таратылып, « » атты ақ жаулықты әжелер мектебінің тұсауы кесілді.
Алматы Орталық мешітінің баспасөз қызметі
Тақырып бойынша жаңалықтар
Қызықты тақырыптар
Намаз уақыттары 
