ФОТО: БАС ИМАМ ҚАРАҒАЙЛЫ МЕШІТІ ЖАМАҒАТЫМЕН ЖҮЗДЕСТІ
Кеше, Алматы қаласы Орталық мешітінің Бас имамы Еркінбек қари Керімбекұлы Қарағайлы мешіті жамағатымен жүздесіп, Жұма уағызын айтты.
Бас имам өз сөзінде дәстүрлі дініміздің негізі болған Имам Ағзам мәзһабы туралы айтып, Әбу Ханифаның ғибратты ғұмырынан сыр шертті. Мұқым мұсылман жамағатын ынтымаққа ұйытып, бірлігі мен берекесін арттыратын мұндай сара жолдың әрдайым әлеуметтік маңызы мен қажеттілігі жоғары екенін тілге тиек етті. Егеменді елдің болашағы баянды, келешегі кемел болуы да тікелей ауызбіршілікке байланысты екенін жеткізді. Сондай-ақ, жамағатқа «тілі бірдің – тілегі бір, діні бірдің – жүрегі бір» деген тағылымды ұқтырды.
Жұма намазы оқылып, әруақтарға Құран бағышталды. Үлкендер жағы бата жасады. Жамағат елдің амандығы үшін Алладан дұға тілеп, бет сипады.
Сосын Бас имам мешіт ауласындағы жаңадан салынған сауат ашу курсының ғимаратымен танысты.
Алматы қаласы Орталық мешітінің баспасөз қызметі
Қызықты тақырыптар
Намаз уақыттары 
