ФОТО: БАС МҮФТИ АЛМАТЫ МЕШІТТЕРІН АРАЛАП, УАҒЫЗ АЙТУДА
Қазақстан мұсылмандары діни басқармасының төрағасы, Бас мүфти Серікбай қажы Ораз қасиетті рамазан айында Алматы қаласының мешіттерін аралап, тарауық намаздарына қатысып, уағыз айтуда.
Кеше Бостандық ауданының орталық «Орбита-3» мешітінде болып, мешіт ұжымы мен жамағатымен кездесті. Жамағатының басым бөлігі жастар болып табылатын бұл мешітте Бас мүфти Серікбай қажы Ораз оразаның сырлары мен қадір-қасиеті жайлы:
«Рамазан – жылына бір рет келетін берекеті мол ай. Ғибадат айында іс-амалдарды електен өткізіп, иманды жаңартуға, ізгілік істер арқылы жүректі жұмсартуға болады. Ал осы бір мүмкіндікті пайдалана алмау нағыз өкінішті жағдайға түсіреді. Мүбәрак рамазан айында ораза тұтушы бұрын мән бермей жүрген көптеген нығметтердің қадірін сезінеді. Ашығып, шөліркеп Жаратқанның ризық-несібесінің, қара судың қадіріне жетеді. Күні бойы аш құрсақ жүретін жарлы-жақыбайдың жағдайын басынан кешіреді. Бойындағы жанашырлық, бауырмалдық сезімі оянады. Өзінен төменге қарап шүкірлік етеді. Қолда бар мүмкіндіктердің қадірін ұғынады. Оразаның осындай хикметті тұстары бар», – деді.
Имамдыққа шыққан Бас мүфти жамағатпен құптан намазын оқып, еліміздің тыныштығы мен дініміздің амандығы үшін дұға етті.
Қызықты тақырыптар
Қазақстан мұсылмандары діни басқармасының төрағасы, Бас мүфти Серікбай қажы Ораз қасиетті рамазан айында Алматы қаласының мешіттерін аралап, тарауық намаздарына қатысып, уағыз айтуда....
Сіздерді күллі мұсылман қауымы асыға күткен қасиетті рамазан айының келуімен шын жүректен құттықтаймын! Әр шаңыраққа шаттық пен бақыт, бірлік пен береке тілеймін! Баршаңызға Жаратқан Ием жар болсын!...
Бүгін Қазақстан мұсылмандары діни басқармасының төрағасы Серікбай қажы Ораз Алматы қаласында «Интерфакс-Қазақстан» агенттігінде қасиетті рамазан айының келуіне орай баспасөз мәслихатын өткізді....
Рамазан айының басталуын нақты анықтау шариғи үкімдер мен астрономиялық есептер негізінде жүзеге асады. Алғашқы кезеңде мұсылмандар жаңа туған айды көзбен көретін. Ғылым мен технология дамыған заманда мұсылмандық күнтізбе шариғи үкім мен ғылыми зерттеулер негізінде жасалды....
Бүгін Астана қаласында сәулеті ерекше мешіт ашылды. Алла үйінің ашылу салтанатты рәсіміне мемлекет және қоғам қайраткерлері қатысты.
Барша мұсылман қауымы үшін қасиетті Рамазан айы қарсаңында Мемлекет басшысы елордалық «Сарыарқа» ауданында орналасқан жаңа мешітке барды. Қазақстан Президентіне мешіттің салыну барысы, сондай-ақ осы ғимаратты электр қуатымен және жылумен қамтамасыз ету үшін пайдаланылатын баламалы энергия көздері жө...
Намаз уақыттары 
