Фото: Серікбай қажы Ораз Шымкентте Өзбекстан мүфтиімен кездесті
Бүгін Қазақстан мұсылмандары діни басқармасының төрағасы Серікбай қажы Ораз Шымкент қаласында өткен «Бауырлас елдердің рухани ортақ құндылықтары» атты халықаралық форум аясында Өзбекстан мүфтиі Усманхан қажы Алимовпен кездесті.
Кездесуде екі ел мүфтиі халықаралық форумда айтылған ұсыныстар мен пікірлерді талқылады. Сонымен қатар, қазақ-өзбек бауырластығын одан әрі нығайтуды көздейтін игі іс-шаралардың жоспары жайлы пікір алысты. Дін қайраткерлері Қазақстан мен Өзбекстанның Діни басқармалары арасында қабылданған екі жақты меморандум аясында атқарылар ауқымды жұмыстарды пысықтады.
Бас мүфти Серікбай қажы Ораз биыл Орталық Азия елдерінің Ислам ғұламалары рамазан айы мен ораза айтты бір күнге белгілеп, ортақ пәтуаға келгенін айрықша атап өтті.
«Бұл тарихи шешім – біздің діни ауызбіршілігіміздің жарқын үлгісі. Осы бағыттағы жұмыстарды жандандырып, Қазақстандағы Өзбекстан жылы аясында бірлескен игі шараларды жүйелі түрде жүзеге асыруымыз керек», – деді Серікбай қажы Сатыбалдыұлы.
Өз кезегінде Усманхан қажы Алимов халықаралық форумға арнайы шақырған еліміздің Бас мүфтиіне алғысы мен жылы лебізін жеткізіп, аталған шара қазақ-өзбек арасындағы рухани байланысты нығайта түсетінін сөз етті.
Кездесу соңында тараптар діни саладағы қарым-қатынасты күшейту, қазақ-өзбек тілінде діни кітаптарды бірлесе шығару, жастарды патриотизмге тәрбиелеу, тәжірибе алмасу, екі елдің қасиетті жерлеріне зиярат жасау рәсімдерін ұйымдастыру, ғылыми жобаларды жүзеге асыру сынды іс-шаралар төңірегінде өзара уағдаласты.
Тақырып бойынша жаңалықтар
Республикалық ақпараттық-насихат тобы мүшелеріне арналған семинарда ҚМДБ Төрағасы Наурызбай қажы Тағанұлы «РАНТ және ЖАНТ тұғырнамасын» таныстырды.
Бүгін Қазақстан мұсылмандары діни басқармасының төрағасы Наурызбай қажы Тағанұлы Алматы қаласының Орталық мешітінде жұма уағызын айтты.
Қазақстан мұсылмандары діни басқармасының төрағасы Наурызбай қажы Тағанұлы Қостанай өңіріне жұмыс сапары барысында Ыбырай Алтынсариннің «Мұсылманшылықтың тұтқасы» еңбегінің түпнұсқасын ағартушы-педагог атындағы облыстық музейге тапсырды....
Қасиетті Мекке қаласында Сауд Арабиясы Корольдігінің Ислам істері, уағыз және насихат министрлігінің ұйымдастыруымен «Әлемдегі дін істері, пәтуа басқармаларымен, шейхтықтармен және сол секілді мекемелермен байланыс» тақырыбында өтіп жатқан халықаралық конференция жалғасуда....
Қазақстан мұсылмандары діни басқармасының төрағасы, Бас мүфти Наурызбай қажы Тағанұлы Алматы қаласына сапарында «Орбита-3» мешіті жанынан ашылған «IZGI QOGAM» студиясымен танысты....
Бүгін Қазақстан мұсылмандары діни басқармасының төрағасы Наурызбай қажы Тағанұлы Алматы қаласына барған сапары барысында «Орбита-3» мешітінде жұма намазына қатысып, Хәкім Абайдың рухына арнайы Құран бағыштады....
Қызықты тақырыптар
Қасиетті Рамазан айының соңғы күнінде Алматы қаласындағы «Әл-Мәдина» мешітінің бас имамы Бақытжан Көптілеуовтің ұйымдастыруымен және белгілі әнші Ернар Айдар мен Талғат Айдардың демеушілігімен қасиетті Құран Кәрімнің 30-шы парасы және «Духа» мен «Нәс» сүресіне дейін Алматы қаласы, Жетісу ауданы меші...
Күллі момын-мұсылманды шат-шадыман қуанышқа бөлеп, әр шаңыраққа Алланың берекесі мен сәлемінің ұшқынын ала келетін Ораза Айт мерекесі Алматы қаласы Орталық мешітінде жоғары деңгейде өткізілді. Таң намазынан бастап ең әдемі киімдерін киіп, хош иістерін себініп, жүздері қуанышқа толған жамағат мешітке...
Барша мұсылманның ұлық мерекесі – Ораза айтпен шын жүректен құттықтаймын! Күндердің сұлтаны болған Жұмамен тұспа-тұс келген Ораза айт мейрамы мүбарак болсын! Тақуалық пен ізгіліктің, жомарттық пен мейірімділіктің айы – қасиетті Рамазанда жасаған дұға-тілектеріңіз бен игі амалдарыңызды Алла қабыл етс...
Қадірменді қауым! Баршаңызды мұсылман үмбетінің ұлық мейрамы – Ораза айтпен шын жүректен құттықтаймын. Қасиетті жұма күнімен қатар келген айт мейрамы құтты-берекелі болғай! Біздің халқымыз рамазан айын ежелден ерекше қастерлеп: «Он екі айдың сұлтаны», – деп қадірлеген. Ал мереке күндері ағайын-жұрт ...
Рамазан айы үлкен мерекемен аяқталады. Бұл мереке – Ораза айт мерекесі. Бұл күні барлық мұсылмандар мерекелік намаз – Айт намазын жамағатпен оқу үшін мешітке ағылады. Намаздан соң мерекелік құтпаға қатысу – сүннет болып табылады....
Ислам – білім мен ғылым діні. Жер бетіне түсірілген қасиетті Құранның алғашқы аятының өзі білім алудың маңыздылығын баяндады. Алла Тағала «Алақ» сүресінің 1-аятында: «Оқы! Жаратқан Раббыңның атымен!» - деп оқуға, ізденуге маңыздылық беру керектігін ескертті....
Намаз уақыттары 
