«Гүлжан Төлегенқызы» атындағы Құранды жатқа оқу бойынша қалалық байқау өтеді
Қазақстан мұсылмандары діни басқармасы Алматы қаласы өкілдігі және "Салиқалы ұрпақ" қоғамдық қорының ұйымдастыруымен, 2021 жылдың 22 мамыр күні «Гүлжан Төлегенқызы» атындағы Құранды жатқа оқу бойынша ұлдар мен қыздар арасындағы Алматы қалалық байқауы өтеді.
Сайыс ұлдар арасында Құранды толық және 15 парасын жатқа оқу бойынша және қыздар арасында Құранның 10 парасын жатқа оқу бойынша 3 номинациядан тұрады.
Құран жарысына қатысушыларға қойылатын талаптар:
- Үміткердің ҚР азаматы немесе азаматшасы болуы;
- Әр номинацияда талап етілетін параларды толық жаттауы;
- Жарысқа қатысушының жаттаған паралары толық болуы керек, яғни екі жерден жарты-жарты параны біріктіріп ұсынуға болмайды.
- Жарысқа қатысу құжаттарын ұйымдастырушылар белгілеген мерзімде тапсыруы;
- Үміткер бір номинацияға ғана қатыса алады;
- Үміткердің жасы 30-дан аспаған болуы;
- Байқауға жарысқа дейінгі іріктеуден өткен әр номинация бойынша 15 үміткер ғана жіберіледі;
- Іріктеу сайысы а.ж. 18 мамыр күні өтеді.
Қажетті құжаттар: «Үміткердің анкетасы», «Жеке куәлік көшірмесі».
Жоғарыда аталған құжаттар үміткерден а.ж. жылдың 17 мамырына дейін almaty.quranjarys@mail.ru электронды почтасы арқылы қабылданады.
Байқаудың жүлделері:
1. Толық Құранды жатқа оқудан:
Бас жүлде (автокөлік)
1-орын (1 000 000тг.)
2-орын (750 000 тг.)
3-орын (500 000тг.)
2. Құранның 15 парасын жатқа оқу бойынша:
1-орын ( 500 000тг.)
2-орын (300 000тг.)
3-орын ( 200 000тг.)
3. Қыздар арасындағы Құранның 10 парасын жатқа оқу бойынша:
1-орын ( 500 000тг.)
2-орын ( 300 000тг.)
3-орын ( 200 000тг.)
Қалған қатысушыларға 50 000 теңгеден ынталандыру сыйлығы беріледі.
Пайғамбарымыз (оған Алланың игілігі мен сәлемі болсын) бір хадисінде: "Сендердің ең жақсыларың – Құранды үйреніп, оны басқаларға үйреткендерің» деп айтқанындай, баршаңызды қайырлы іске атсалысып, Алланың разылығын алуға шақырамыз.
Көрермендер еліміздегі пандемиялық жағдайға байланысты Құран байқауын azan.kz сайтының ютуб каналы мен azan.kz_1 инстаграм парақшасынан онлайн ғана тамашалай алады.
Azan.kz youtube каналының сілтемесі:
https://www.youtube.com/channel/UC7IRI8eIzB9S8WirSZVZweg
Azan.kz_1 instagram парақшасының сілтемесі:
https://www.instagram.com/azan.kz_1/?hl=ru
Қосымша ақпарат үшін: + 7 775 475 00 83 – Қуаныш қари Тоқсанбайұлы.
(Хабарласу уақыты: 10:00 – 18:00)
Алматы Орталық мешітінің баспасөз қызметі
Қызықты тақырыптар
Намаз уақыттары 
