МӘУЛІТ АЙЫ ҚҰРМЕТІНЕ САЙЫС ӨТКІЗІЛЕДІ
Пайғамбарымыздың (оған Алланың салауаты мен сәлемі болсын) туған айы мәуліттің құрметіне саыс өткізіледі.
Құрметті Құран сүйер қауым, Алматы Орталық мешіті мен «Қари» қайырымдылық қоры бірлесіп, ұйымдастырған қыздар мен әйелдерге арналған тегін ОНЛАЙН КУРС 2022 жылдың ақпан айынан бастап жұмыс жасап келе жатыр. 7 айдың ішінде 2001 оқушы тіркелді, оның 191 оқушы 12 жасқа дейінгі балалар болса, қалған 1810 оқушы 12 жастан асқан мектеп оқушылары, студенттер, зейнеткерлер, үй шаруасындағы аналар мен әр түрлі салада қызмет істейтін әйел кісілер.
Курста:
- 0-ден бастап үйрететін бастауыш топ;
- Әріп білетін кісілерге тәжуид топ;
- Құранды дұрыс оқуға бағытталған жалғастырушы топ;
- жаттау және иджаза алу тобы бар.
Бастауыш топта әріптермен қоса тәжуид, фикһ, ақида, ахлақ сабақтары бірге жүргізіледі. Сабақ инстаграм, зум, телеграм, ватсап әлеуметтік желілерінде жүреді. Сабақты Қазақстанның кез келген аумағынан, ауылдық жерлерден көруге болады. Сабақтар парақшада сақталады, оқушылар бос уақыттарында көріп, ұстаздарға тексертеді.Апта сайын qari.umma инстаграм парақшамызда қосымша сұрақ-жауап және уағыз сабақтары жүргізіледі. Ақпан айынан бері, күнде Арайлым қари Өмірбекқызы Құран хатым жасап жүр.
Құран жаттау және иджаза алу тобында 179 оқушы тіркелді. Алды 3 пара жаттаса, көпшілігі 30-шы параны жаттап, ұстазға тапсырды.
Пайғамбарымыздың (оған Алланың салауаты мен сәлемі болсын) туған айы мәуліт айы құрметіне орай осы "Қари" қайырымдылық қорының демеушілігімен жаттау тобының оқушылары арасында 6-қазан күні сағат 10.00 жарыс өткізілмек.
Сайысқа екі номинация бойынша сыйлық беріледі.
30 шы параны жаттаған
1-орын Туркиялық қазан мен мантоварка жиынтығы
2-орын Tefal компаниясының бумен үтіктейтін үтігі
3-орын Samsung шаңсорғышы
Бурудж сүресінен Нас сүресіне дейін жаттаған
1-орын Қазан жиынтығы
2-орын Алтын сақина
3-орын Ауғандық қазан
Тіркелген оқушыларымызды жарысқа қатысуға шақырамыз. Байланыс үшін Айман 87710707999
"Қыз - бүкіл ұлттың анасы" деген, сондықтан, аузында Алласы, қолында Құраны бар қыздарымыз көп болса ұрпағымыз иманды, ғұмырымыз жарқын болмақ.
Онлайн курстың мақсаты көп аруларымыз мешітке барып оқуға мүмкіндіктері, уақыттары болмай жатады, сол кісілер балаларының қасында отырып-ақ ілім алуға мүмкіндік бермек. Сабақ оқитын оқушы, студенттер, жұмыс жасайтын кісілер бос уақыттарында үйреніп, Алланың кәләмін таныса деген ниет.
Алматы Орталық мешіті мен "Қари" қайырымдылық қоры ұжымы жұмыстарына береке, оқушыларымызға хайырлы білім тіледік.
Алматы Орталық мешітінің баспасөз қызметі
Қызықты тақырыптар
Намаз уақыттары 
