Наиб мүфти Алматы жамағатымен жүздесіп, мешіттер құрылысымен танысты
Бүгін, ҚМДБ-ның төраға орынбасары, наиб мүфти Бауыржан Есмахан Алматы жамағатымен жүздесіп, Жұма уағызын айтты.
Наиб мүфти жұма уағызында мұсылманның асыл сипаттарының бірі – сөзде тұру, уәдені орындау жөнінде айтты. «Уәде – Құдай сөзі» дегендей, адам бойынан табылуы керек ең жақсы қасиеттің бірі де осы уәдеге берік болу екенін жеткізді.
Сосын Жұма намазы оқылып, Құран бағышталды. Алладан елімізге амандық, жұртымызға тыныштық, барлық шаңыраққа бірлік-береке тіленді.
Кейіннен наиб мүфти Алматы қаласы Жетісу ауданына қарасты «Әмин» және Алатау ауданына қарасты «Алғабас» мешіттеріне арнайы ат басын бұрып, жаңадан жүріп жатқан құрылыс жұмыстарымен танысты. Сондай-ақ, қала сәніне көрік қосатын, адамдар жиылып намазын оқитын құлшылық ордаларының болашақтағы сұлбасын көріп, оң бағасын берді.
Azan.kz
Қызықты тақырыптар
Намаз уақыттары 
