«ОРТАҒАСЫРЛЫҚ ТҮРКІ ЖАЗБАЛАРЫН ОҚУ» КУРСЫ АЯҚТАЛДЫ
Бас мүфти Наурызбай қажы Тағанұлы 2023 жылғы бағдарлық баяндамасында ортағасырлық түркі тілінде жазылған кітаптарды оқуға арналған курстар ашу бойынша тапсырмасына орай Орталық мешітте дәрістер өткізілді.
Алғашқы дәріс ү.ж 16 наурыз күнінен бастап Алматы қаласының ұстаздарына «Ғылым Ордасы» РМК сирек кездесетін кітаптар музейінің ғылыми қызметкері, қолжазбатанушы Асқар Асанұлы «Устаз әууәл», «Ғибадатул исламия», «Сабатул ажизин» кітаптары бойынша дәрістер өтіп, ұстаздар курсты толық аяқтады.
Алматы қаласының бас имамы Төлеби қажы Дәділұлы және Орталық мешіттің бас ұсазы Талғат Дайрабайұлының ұйымдастыруымен курсты аяқтаған дін қызметкерлері қаламыздың 12 мешітінде және 2 қайырымдылық мекемелерінде «Устаз әууәл» кітабы бойынша сабақтар жүргізіп, «Ортағасырлық түркі тілі - бабалар қазынасы» атты курсымыз жалғасын тапты. Курсқа қала бойынша тіркелген 250 шәкірттің бүгінгі күні 172-сі кітапты аяқтап, Алматы Орталық мешітінде оқуды аяқтағандығы жөнінде сертификатталып Құран кәрім сыйлығына ие болды.
Алматы Орталық мешітінің баспасөз қызметі
Қызықты тақырыптар
Намаз уақыттары 
