ҚАЛА ӘКІМІ АЙТ МЕРЕКЕСІМЕН ҚҰТТЫҚТАДЫ
Алматы қаласының әкімі Ерболат Досаев шаһар тұрғындарын мұсылмандар үшін ұлық мерекенің бірі - ораза айт мерекесімен құттықтады.
Құттықтау жеделхатын Алматы Орталық мешітінде айт намазына жиналған жамағатқа Алматы қаласы Дін істері басқармасының басшысы Нұрлан Қиқымов оқып берді. "Құрметті алматылықтар! Қадірлі ағайын! Мұсылман қауымы үшін Ораза айт - береке мен бірлікті, кешірім мен мейірімді дәріптейтін, жұртшылықты ізгілік пен имандылыққа бастайтын өнегелі мейрам. Адам баласының тәубесі мен тәуекелі қабыл болатын осынау қасиетті айдағы қайырлы амалдарыңыз бен сауапты істеріңіз өркен жайып, есендік пен саулықта келесі Рамазан айына аман жетуге жазсын. Халқымыздың тұрмыс-тіршілігімен біте қайнасып, ұлттық салт-санамызға сіңіскен ораза айт әрдайым рухани тазару мен кемелденуге бастай берсін. Қасиетті мерекеге орай тілеген барлық дұға-тілектеріңіз қабыл болсын. Құрметпен Алматы қаласының әкімі Е.Досаев" - делінген құттықтау хатында.
Алматы Орталық мешітінің баспасөз қызметі
Қызықты тақырыптар
Намаз уақыттары 
