«ҚАЛҚАМАН» МЕШІТІНДЕ ДІН МЕН ДӘСТҮР» ДӘРІПТЕЛДІ
Алматы қаласының бас имамы Төлеби Дәділұлының бастамасымен Наурызбай ауданы «Қалқаман» мешітінде жылдық жоспар аясында «Әжелер мектебі» бесікке салу және ертегі айту салт-дәстүрін көрсетті.
«Қалқаман» мешітінің бас имамы Руслан Қамбар әйелдер жамағатына дін мен дәстүр сабақтастығынан уағыз-насихат айтты. «Бесік жырын айтпайтын анадан, ертегі айтпайтын әжеден қорқамын» деп Бауыржан Момышұлы бабамыз айтқан өзекжарды өсиетін алға тартып, бүгінде ҚМДБ Төрағасы, бас мүфти Наурызбай қажы Тағанұлы жыл басында жоспар бекітіп, мешіттерде дін мен дәстүрді қолға алуды тапсырған болатын. Осы орайда мешітіміздегі «Әжелер мектебі» терең тәлімдік мәні бар салт-дәстүр - бесікке салуды жастарға насихат етуде», - деп атап өтті. Тәрбие бесіктен бастау алатынын жеткізді.
Сонымен қатар әжелер қауымы жас келіндерге бесікке салу бүгінгі күндегі өзектілігін жоймағанын, баланың гигиеналық тазалығы және денсаулығына пайдасы жайлы тереңнен түсіндірді. Баланың дұрыс дамуы мен тазалығы жағынан бесікке әлі де балама жоқ екенін айтты. Бесікке бөленген балаға аналардың, әжелердің ертегі айтуының маңыздылығы түсіндірілді. Дін мен дәстүрді ұштастыра қазақы салт түрлері көрсетіліп, шілдехана, бесік той, тұсау кесер жасалып, ақ дастархан жайылды.
Алматы Орталық мешітінің баспасөз қызметі
Тақырып бойынша жаңалықтар
Қызықты тақырыптар
Намаз уақыттары 
