ҚАРИ ШӘКІРТТЕРМЕН КЕЗДЕСУ ӨТКІЗІЛДІ
ҚМДБ Алматы қаласы өкілдігі бойынша Құран жаттау бойынша қайырымдылық мекемелеріндегі шәкірттерімен кездесу өткізілді.
Алматы қаласының бас имамы Төлеби Дәділұлының бастамасымен мешіт имамдары мен қари ұстаздар жас буын шәкірттерге Құран жаттап, қарилыққа дайындалып жүрген шәкірттерге насихат айтып, тәжірибелерімен бөлісті. Құранның 10, 20, 30 пара бойынша дайындықтары пысықталды. Кездесуге "Бәйкен" мешітінің бас имамы Данияр қари Жұмабаев, Орталық мешіттің бас ұстазы Талғат Сапанов тағы басқа ұстаздар қатысты. "Қасиетті Құран ілімнің ілгерісі десек, атына затына сай Ислам дінінің мағынасы - бейбітшілік, тыныштыққа бастайды. Осынау бейбітшілік пен тыныштық орнаған жерде ырыс-береке, ауызбіршілік, өзара келісім болатынын ескерсек, осынау ізігілікке апарар жол - Алланың кітабы болмақ", - деп атап өтті үстаздар.
Ибн Масғуд (р.а.): «Құран Алла Тағаланың әдеп мектебі. Құранға мықтап жабысып, шамаларың келгенше, Алланың көрсеткен әдеп жолын үйреніңдер. Ол – ашық бір нұр, дертке дауа, Құран – амал еткен адамға берік қорған, жолын ұстағанды адастырмайтын құтқарушы», – деген. Зерек шәкірттер пен зейінді ұстаздар басқосуы ғибратқа толы ғақлияға ұласты.
Алматы Орталық мешітінің баспасөз қызметі
Тақырып бойынша жаңалықтар
Қызықты тақырыптар
Намаз уақыттары 
