ҚҰРАННАН ОНЛАЙН САЙЫС ӨТКІЗІЛДІ
Құрметті Құран сүйер қауым, Алматы Орталық мешіті мен «Қари» қайырымдылық қоры ұйымдастырған әйел-қыздарға арналған тегін онлайн курста, күллі мұсылман елінің қасиетті мерекесі болған Құрбан айттың құрметіне өз оқушыларының арасында құран жаттау бойынша сайыс өткізді.
Оқушыларымыз Қазақстанның түкпір-түкпірінен тіркелген оқушылар болғандықтан, сайыс онлай форматта өтті. Үш номинация бойынша өткізілген сайыста:
«Нәбә» – «Нас» сүрелері номинациясы бойынша Сапарбек Қарлығаш;
«Ғашия» – «Нас» сүрелері номинациясы бойынша Тілеуова Гүлзира;
«Дұха» – «Нас» сүрелері номинациясы бойынша Абдуллаева Айгүл жеңімпаз атанды.
Оқушыларымызды жеңістерімен құттықтай отырып, барша сайысқа қатысқандарға Алла зейіндеріңізді ашып, разы болсын деп тілейміз!
Жалпы, 6 айдың ішінде онлайн курста 0-ден бастап 995 оқушы бастауыш топқа тіркеліп, 700 оқушы Құранға түсті. Ақида, фиқһ, тәжуид бойынша білімдерін жетілдіріп ынталы оқушылар жаттау тобында Құран жаттап жүр. Жаттаушы топқа 105 оқушы тіркелді, 14 оқушы 30-шы параны жаттаса, 3 оқушы 29-шы параны жаттап тапсырып, сертификаттары берілді.
Онлайн курсқа тіркелушілер саны күннен күнге артып келеді. qari_umma инста парақшада Пайғамбарымыздың өмірбаянымен қатар ақида сабақтары да өтіледі. Оқушыларымызды ынталандыру мақсатында жарыстар өткізіліп Қари қайырымдылық қорының демеушілігімен сыйлықтар тапсырылады.
Құран оқуды, жаттауды үйренемін деген оқушыларға қызмет көрсетуге дайынбыз. Демеушілік жасап отырған «Қари» қайырымдылық қорының істеріне Алладан береке тілей отырып, Кері байланыспен тексеретін Алматы Орталық мешінің бұйрығымен бекітілген сенімді, білікті мамандарымызға күш-қуат тілейміз!
Алматы Орталық мешітінің баспасөз қызметі
Қызықты тақырыптар
Намаз уақыттары 
