«ҚЫЗДЫ ҚЫРЫҚ ҮЙДЕН ТЫЮ» ТАҚЫРЫБЫНДА ДӨҢГЕЛЕК ҮСТЕЛ ӨТТІ
ҚМДБ «Әйел-қыздар» секторы Алматы қаласы бойынша өкілдігінің ұйымдастыруымен ҚР Ұлттық кітапханасының «Дін мен дәстүр» залында «Қызды қырық үйден тыю» тақырыбында жиын өтті.
Келелі басқосуға Алматы қаласы мешіттерінің әйел жамағатынан құралған әжелер мектебінің құрамы мен ұстаздар және шәкірттер қатысты. Алматы Орталық мешітінің ұстазы, ҚМДБ «Әйел-қыздар» секторы Алматы қаласы бойынша жауапты маманы Гүлмира Ілесбайқызы «Қазіргі қоғамдағы қыз тәрбиесіне байланысты мәселелер» тақырыбына кеңінен тоқталды. Жан-жақтан келіп жатқан өзге мәдениеттер, ұлттық сана мен салт-дәстүрді сіңіре отырып баланы тәрбиелеуге тежеу салынуда. Қызды ұяң, иманды етіп тәрбиелеу күннен күнге қиын болып бара жатқаны жайлы нақты фактілер мен деректемелер келтірді. Сонымен қатар «Ене мен келін сыйластығы», «Әйелдің қоғамдағы орны» сынды өзекті тақырыптар төңірегінде әйел ұстаздар ой бөлісті.
Бір қолымен бесік тербетіп, екінші қолымен әлемді тербеткен әйел ұғымы отбасындағы қыз тәрбиесінен бастау алғанда ғана толыққанды мәнге ие болмақ екені айтылды.
Алматы Орталық мешітінің баспасөз қызметі
Тақырып бойынша жаңалықтар
Қызықты тақырыптар
Намаз уақыттары 
