«Салиқалы ұрпақтың» университетке сыйы
«Салиқалы ұрпақ» қоғамдық қорының директоры Қасым Қасабеков араб тілін үйренуге арналған арнайы оқулықтар жинағын Нұр-Мүбарак университетіне сыйға тартты. Осылайша бір топтамаға 5 кітап кіретін 50 топтама Мысыр елінен тікелей университет кітапханасына жеткізілді.
«Білім саласына қолдау көрсету – басты бағытымыздың бірі. Студенттерге тіл үйренуге оқу құралдары қажет деген ұсынысты естіп, қолдай кеттік. Себебі Нұр-Мүбарак университеті – білімді де білікті мамандар даярлап жатқан жалғыз жоғарғы ислами білім ордасы. Оның дамуына өз үлесімізді қосу – біз үшін де қуаныш, – дейді Қасым Қасабеков.
Университет басшылары бұл кітаптардың студенттерге керемет көмек екенін айтып, ризашылық білдірді. Себебі жыл өткен сайын студенттер саны артқандықтан, түпнұсқа кітаптар жетіспеушілігі анық байқалатын. Университет ректоры, профессор Мұхаммад аш-Шаххат және проректор, доцент Қайрат Құрманбаев студенттердің оқу ақысына, араб тілі олимпиадаларында ұдайы қолдау көрсетіп келе жатқан «Салиқалы ұрпақ» қоғамдық қорының басшысына алғыс хат табыстап, естелік кәдесый жасады.
Нұр-Мүбарак университетінің баспасөз қызметі
Қызықты тақырыптар
Намаз уақыттары 
