Түркия тұңғыш рет өз күшімен отандық жаңа машина жасап шықты (ФОТО, ВИДЕО)
Түркия алғаш рет өз күшімен, отандық жаңа машина жасап шықты. Машина түгелдей тек электр қуатымен жүреді. Сонымен қатар 27.12.2019 жылы Түрік елбасы Режеп Тайп Ердоған ең алғаш бұл машина тізгінін ұстаған адам болып тарихта қалды.
Осылай Түрік мемлекеті өзінің отандық машина жасау арманын ақыры орындады.
Алғаш рет Түркия 1960 жылдары “Devrim” деп аталатын өз отандық машинасын жасамақшы болған, кейін жоба аяқсыз қалған еді. Сол орындалмай қалған 60 жылдық арман ақыры орындалды.
TOGG деп аталатын бұл машина Түркияның солтүстік батысындағы Гебзе өңірінен өндіріледі. Сынақ ретінде шығарған машинаны тексеріп, жүргізіп көрген Ердоған мырза бұл машиналардың енді 2022 жылдан бастап базарға сатылымға шығатынын жеткізді.
Бұл көліктерді бес біріккен түрік кәсіпорны шығармақ.
Түрік БАҚ тарының хабарына негізделгенде бұл машиналардың дизайнын Пининфарина деп аталатын, атақты Ферари машиналарын жобалаған компания жобалаған.
“Түрік халқының өз отандық көлігін шығару үшін 60 жылдық арманы бүгін орындалды”-деп сөз бастаған Түрік елбасы “бұл көліктерді жасайтын завод Бурса аймағынан салынады. 2021 жылға қарай құрылыс жұмысы аяқтап 2022 жылдан бастан машиналар сатылымға шығады. Бұл кәсіпорын 4300 адамды жұмыспен қамдайды. Келесі 15 жылда біз осындай 5 түрлі машина шығаратын боламыз” – дейді.
Hürriyet News хабарына негізделгенде екі дөңгелегі тартатын машинаның қуаты 200 ат күші, ал төрт дөңгелегі сүйрейтін машинаның қуаты 400 ат күші екен. Бұл машинаға Литий ионды батерия салынған жарты сағат зарядтасаңыз 80% ток толтыруға болады, онымен 300-500 км жол жүре аласыз. Бұл машиналар 4G және 5G технологияларымен жабдықталатын болады. Және де егер қатты кептелісте тұрсаңыз ұйқтап алуға да болады. Себебі машинада өзі жүретін қабілет бар. Өздігінен баяу жүріп және тоқтай алады.
Қызықты тақырыптар
Намаз уақыттары 
