Ашура күнінің артықшылығы неде?

28.08.2020 4 833 0

– | A | +

Мұхаррам айында келетін Ашура күні – мұсылман тарихындағы айтулы күндердің бірі. «Ашура» сөзі «оныншы» деген мағынаны білдіреді. Яғни, мұхаррам айының оныншы жұлдызы. Биыл Ашура күні 29 тамызға сәйкес келіп тұр.

Ашура оразасының тарихы жайында хадисте былай айтылған: Құрайш (қауымы) жаһилият заманында ашура күні ораза тұтатын. Алла елшісі (оған Алланың салауаты мен сәлемі болсын) де ораза тұтатын. Мәдинаға келгенде де сол оразаны ұстады және оны ұстауға бұйырды. Рамазан айының оразасы парыз етілгенде ашура күнінің оразасын ұстауды тастады. Қалаған адам оны ұстайтын, қаламаған адам, ұстамайтын еді[1].

Алла елшісі (оған Алланың салауаты мен сәлемі болсын): «Рамазан оразасынан кейінгі ең абзал ораза – Алланың айы мұхаррам айында тұтылған ораза», – деген[2].

Пайғамбарымыз (оған Алланың салауаты мен сәлемі болсын) ашура күнінің оразасы туралы: «Өткен жылдың күнә-қателіктерін өшіреді, деп үміт етемін», – деген[3].

Осыған орай, ханафи мәзһабында ашура оразасын ұстау – сүннет, ал оған алдыңғы (тоғызыншы), не кейінгі (он бірінші) күнді қосып тұту – мұстахап[4], деп пәтуа берілген.

Сонымен қатар, Пайғамбарымыз (оған Алланың салауаты мен сәлемі болсын): «Кімде-кім ашура күні әйел, бала-шағасына кеңшілік жасаса, Алла оған жыл бойы кеңшілік жасайды», - деген[5]. «Кеңшілік жасау» дегенде дәмді тойымды тамақ әзірлеу, сыйлық беру сияқты сауапты істер түсініледі.

Алла Тағала мұхаррам айында, ашура күнінде жасаған құлшылықтарымызды, ізгі істерімізді, дұға-тілектерімізді қабыл алғай!

Шариғат және пәтуа бөлімі

[1] Нәсаи риуаят еткен.

[2] Мүслім риуаят еткен.

[3] Мүслім риуаят еткен.

[4] «Фәтауа Қазихан», 1/129.

[5] Табәрани, Бәйһақи риуаят еткен.

Жарияланған мақалалар мен шет елдік сайттардан алынған аудармалардың авторлық құқығы Azan.kz сайтына тиесілі.

Толығырақ

Предыдущий	Следующий
Қара сөз қара өлеңге айналғанда... #8	Қара сөз қара өлеңге айналғанда... #7
28.08.2020 2364 0	27.08.2020 1709 0

Оқырмандардың пікірі (0)

Қызықты тақырыптар

Ислам күнтізбесі Мұхаррам – мұсылман жыл санауының алғашқы айы

Мұсылман күнтізбесі бойынша 1441 жылдың зұл-хижжә айы аяқталып, 1442 жылдың мұхаррам айы басталады. Мұхаррам айы мұсылман жыл санауының алғашқы айы болып есептеледі.

20.08.2020 4 922 0

Ислам күнтізбесі ҚҰРБАНДЫҚ: Қисса хикметі

«Ибраһим: «Мен Раббым бұйырған жаққа кетемін. Ол маған жол көрсетеді» деді. (Көңіліндегі жерге барған соң) «Иә, Раббым! Маған жақсысынан бір ұл бер» деп жалынды. Біз оны аса мүләйім бір ұл баламен қуанттық. Ұлы (Ысмайыл) әжетке жарап қалған кезде (Ибрахим оған): «Балақайым, түсімде сені бауыздауға (...

29.07.2020 2 801 0

Ислам күнтізбесі Арапа күніне арналған 6 кеңес

Арапа сөзі арабтың «ъарафа», яғни, «білу, анықтау, түсіну» мағынасына сай келеді. Бізде оны қарияларымыз «Қарапа» деп атап кеткен. Зұлхижжа айынының тоғызыншы күні, күллі мұсылман жұртының мейрамы Құрбан айттың алдындағы күн және күндердің ең қадірлісі – Арапа күні жақындап келеді....

28.07.2020 14 378 0

Ислам күнтізбесі Құрбан шалудың маңызы мен пайдасы

Құрбан айт күндері мұсылманның атқаратын ең жақсы ісі – құрбандық шалу. Осы арқылы пенде Алла Тағалаға жақын болады, күнәлары кешіріледі. Жаратушы Иеміздің көптеген нығметтеріне шүкіршілік білдіреді, бай мен кедейге кеңшілік жасалады....

24.07.2020 3 979 0

Ислам күнтізбесі Зұлхижжа айына қатысты үкімдер

Алла тағала өз пендесі үшін көбірек сауап жинап алсын деп кейбір күндерді басқаларынан артық етіп қойды. Соның бірі – зұлхижжа айының алғашқы он күні.

23.07.2020 3 336 0

Ислам күнтізбесі Зұлхижжа айының 5 ерекшелігі

Алла Тағала өз пендесі үшін көбірек сауап жинап алсын деп кейбір күндерді басқаларынан артық етіп қойды. Соның бірі – зұлхижжа айының алғашқы он күні.

22.07.2020 3 892 0