САФАР АЙЫНЫҢ СЫРЫ

09.09.2021 1 771 0

– | A | +

Сафар айы – мұсылман күнтізбесінде жылдың екінші айы саналады. Халықаралық астрономиялық зерттеу орталықтарының мәліметтері бойынша, биыл 8 қыркүйек сафар айының бірінші күні деп белгіленді.

Исламға дейінгі жәһилият (надандық) дәуірінде араб халқы сафар айын жамандыққа ырымдайтын. Олар «сафар айында үйленуге, неке қиюға, той жасауға, алыс жолға шығуға болмайды» дейтін. Сондай-ақ, олар «сафар айы – қасиетсіз ай, осы айда жер бетіне түрлі жаман жаратылыстар таралып, олардың адамдарға зияны тиеді» деп ойлайтын.

Пайғамбарымыз (оған Алланың салауаты мен сәлемі болсын): «Жұқпалы ауру жоқ, құспен пал ашу жоқ, байқұс жоқ және сафар (айында ешқандай ырым) жоқ», – деген (Бұхари).

Ислам діні барлық қате сенімдер қатарында осы секілді жаңсақ, қате наным-сенімдерді де жоққа шығарды. Барлық жылдар мен айлар, күндер мен түндер Алланыкі деп жариялады.

Мұсылман адам тағдырға иман келтіреді, өмірдегі жақсылық пен жамандықтың Алла Тағаладан болатынына сенеді, дінімізде негізі жоқ бос ырымдарға ермейді.

Сафар айының ырымдарына қарсы мұсылмандар түсіндіру істерімен ғана шектелмеді. Бәлкім іс жүзінде де көрсете білді, түрлі өнегелі жұмыстар жүргізілді. Ислам діні бұл айды «Сафарул хайр» (хайырлы сафар) деп атады. Бұл ай көптеген хайырлы істердің бастамасына себеп болды.

Мысалы, Мәдина қаласындағы Пайғамбар мешітінің құрылысы бірінші һижри жылдың сафар айында басталған.

Пайғамбарымыз (оған Алланың салауаты мен сәлемі болсын) дәл осы айда сапарға аттанып, Хайбар қамалын фатх еткен (алған).

Пайғамбарымыз (оған Алланың салауаты мен сәлемі болсын) екінші һижри жылдың сафар айында өзінің сүйікті қызы Фатиманы Хазіреті Алиге ұзатқан (Алла олардан разы болсын).

Хақ Тағала сафар айын баршамызға хайырлы да берекелі еткей!

Хасан Аманқұл,

ҚМДБ Шариғат және пәтуа бөлімі

меңгерушісінің орынбасары

ДЕРЕККӨЗІ muftyat.kz

ҚМДБ ресми сайты

Жарияланған мақалалар мен шет елдік сайттардан алынған аудармалардың авторлық құқығы Azan.kz сайтына тиесілі.

Толығырақ

Предыдущий	Следующий
«Кәһф» сүресінің 10 құпиясы	НЕКЕГЕ ЖЕҢІЛ ҚАРАУҒА БОЛМАЙДЫ
10.09.2021 2158 0	09.09.2021 2356 0

Оқырмандардың пікірі (0)

Қызықты тақырыптар

Мұсылман қорғаны Ғазиз ЖУСИПОВ. Тақуалық сипаты

Рахманның тақуа құлдары сипатталған тақуалықтың белгілері өте көп. Олардың бірнешеуіне тоқталар болсақ: Алланың шариғат еткен рәсімдерін ұлықтау, Оның жолында малын жұмсау, Алланы еске алуы тұрақты жалғасатын, Қиямет күні жауабы берілетін барлық жағымсыз істер мен сөздерден бойын аулақ ұстауы, қисық...

28.09.2020 3 253 0

Мұсылман қорғаны Дәреттің қадір-қасиеті

Ислам діні барша адамзат баласын ең алдымен тазалық пен пәктікке шақырады. Жанымыз бен тәніміздің, сөзіміз бен ісіміздің тазалығы дінімізде үлкен рөл ойнайды. Жаратқан иемізге жалбарынып, құлшылық жасаудың алдында да дәрет алып тазаланамыз. Дәрет алуға, тазалануға жеңіл қарауға болмайды. Сондықтан б...

19.03.2020 8 071 0

Мұсылман қорғаны Депрессиядан шығудың пайдалы әрі нақты 6 қадамы

Депрессия – әлемде өте көп адам зардап шегіп жүрген жағдай. Ол ұлты, білімі, әлеуметтік жағдайы мен дініне қарамастан барлық адамның басынан өтуі мүмкін. Мұның ұялатын дүние еместігіне қарамастан, депрессиядан зардап шегетін адамдар өздеріне «психикалық дәрменсіз» деген айдардың тағылуынан қорқып,...

12.07.2019 15 129 0

Алланы зікір ету Таң намазын жіберіп алудың 6 себебі

Ояна салып, жұмысқа/университетке/мектепке дейін 30-ақ минут қалғанын шошына сезінесіз, онымен қоймай, сіз әлі таң намазын оқыған жоқсыз! Бұл не? 2 минут бұрын ғана көзіңіз ілінген сияқты еді. Ал енді үйдің ішінде әрлі-берлі сенделіп жүгіріп жүрсіз, асығып тісіңізді тазалайсыз, жуынасыз....

03.01.2019 17 263 0

Мұсылман қорғаны Ғайбат сөйлеу – іштей іріп-шіру

Ғайбаттың сөздік мағынасы - біреудің сыртынан жағымсыз, жарамсақ сөз айту. Демек, бір адамның бойындағы кемшіліктердің басқа біреуге оның сыртынан айтылуына «ғайбат» делінеді....

28.12.2018 24 364 0