СУЛЫҚПЕН ДӘРЕТ АЛУҒА БОЛА МА?

20.01.2023 1 255 0

– | A | +

Алла Тағала Құранда: «Уа, иман келтіргендер! Намазға тұрар алдында беттеріңді және қолдарыңды шынтаққа дейін жуыңдар. Бастарыңа мәсих тартыңдар. Аяқтарыңды да тобыққа дейін жуыңдар», – деп бұйырды («Мәида» сүресі, 6-аят).

Демек дәреттің парыздары – үш ағзаны (бетін, екі қолы мен екі аяғын) жуу және басына масих тарту. Қолын жуғанда шынтағын қоса жуады, аяғын жуғанда тобығын қоса жуады (Һидая, 1/287).

Дәрет алғанда жуылатын ағзаларына су тию (ағу) шарт. Дәрет суы денеден бөлініп, тамшы секілді ақпаса, дәрет дұрыс болып есептелмейді. Сондықтан қыстың кезінде қармен дәрет алғанда қардың суы денеден бөлініп, кемінде екі немесе одан көп мөлшерде тамшылап ағуы тиіс. Болмаса, алған дәреті дұрыс болмайды делінген. Алайда Имам Әбу Юсуфтың көзқарасы бойынша судың денеден бөлініп тамшылап түсуі шарт емес (Фәтауа Һиндия, 1/53).

Ханафи мәзһабының фиқһ және пәтуа кітаптарында «тырнағы ұзын болып, саусағының ұшын жапса, тырнақтың астына су жеткізу міндет», «саусағына тағылған жүзігі тар болса, дәрет алғанда оны қимылдату немесе шешу қажет», «дәретте немесе ғұсылда жуылатын ағзаға лай немесе қамыр жабысқан болса, оның түбіне су жеткізу уәжіп» деген пәтуалар айтылған (Фәтауа Татархания, 1/41). Сондықтан дәрет алғанда міндетті түрде денеге су құйылу керек.

Асты дәретке қағаз қолдану туралы Мысыр мүфтиі доктор Шауқи Ғалләм: «Дәретхана қағазы әдетте су, сия, сұйық май секілді ағатын заттарды сору, сүрту, кептіру және тазалау үшін қолданылады. Ол фиқһ ғалымдары айтқан асты дәретке пайдаланатын шүберек, тері немесе мақтаға ұқсайды. Кесекке қияс ете (салыстыра) отырып, шариғат дәретхана қағазы секілді арнайы қағаздарды асты дәретке қолдануға рұқсат береді. Өткен заманда кесек қалай кең қолданылған болса, дәретхана қағазы осы заманда солай кең қолданысқа ие», – деп түсіндіреді («Дар ул-ифта әл-мисрия» сайтынан). Сүйек, тезек, шыны секілді заттармен асты дәрет алу – мәкруһ (Фәтауа Һиндия, 1/105).

Сондықтан дымқыл сулық (влажные салфетки) дәрет алуға жарамайды, ал асты дәретке қолдану мәкруһ болып саналады.

Дайындаған Хасан АМАНҚҰЛ

ДЕРЕККӨЗІ muftyat.kz

ҚМДБ ресми сайты

Жарияланған мақалалар мен шет елдік сайттардан алынған аудармалардың авторлық құқығы Azan.kz сайтына тиесілі.

Толығырақ

Предыдущий	Следующий
ЕРЕЖЕП – БЕРЕКЕЛІ АЙ	ӨЗГЕНІ ӨЗІҢНЕН ЖОҒАРЫ ҚОЮ – ІЗГІЛЕР СИПАТЫ
23.01.2023 898 0	20.01.2023 821 0

Оқырмандардың пікірі (0)

Қызықты тақырыптар

Сұрақ-жауап КӨЛІКТІ КӨЛІККЕ АЙЫРБАСТАУДЫҢ (БАРТЕР) ҮКІМІ

Қазіргі таңда көлік сатып алу мен сатудың бірнеше жолы бар. Соның бірі – белгілі бір маркалы көлікті басқа маркалы көлікпен айырбастап, үстінен ақша қосып сату.

16.01.2023 1 070 0

Сұрақ-жауап ТӘБӘРІК ЖАСАУҒА БОЛА МА?

Тәбәрік – береке тілеу деген мағынаны білдіреді. Әр-Рағиб әл-Әсфәһани: былай дейді: «Береке – бір нәрседе иләһи жақсылықтың тұрақталғанын аңғартады». Ибн Манзур: «Береке – өсу, арттыру деген мағынада. Тәбәрік – адамға немесе басқа нәрсеге береке тілеп, дұға ету»[1], – дейді....

13.01.2023 561 0

Сұрақ-жауап СЮЦАЙ ЖҮЙЕСІНІҢ ШАРИҒИ ҮКІМІ

Сюцай – раджа-йога философиясына негізделген нумерологияның бір түрі. Бұл жүйенің сенімінде адам өміріндегі белгілі сандар (туған күні, неке қиған кезі т.б.) бір планета энергиясымен тығыз байланыста болады. Сандарда адамның мінезі, қабілеті, өмірге келген мақсаты, болашақта орын алатын оқиғалары қа...

05.01.2023 1 397 0