2 маусым Алматы Орталық мешітінде Құран хатым дұғасы оқылады
Ассәләмуағалейкум, қадірменді бауырлар мен әпке-қарындастар!
2 маусым Алматы Орталық мешітінде әрбір мұсылман үшін ерекше құндылық болып табылатын xатым Құранның дұғасы оқылады.
Хатым Құранның дұғасына қатысу мұсылмандардың өмірінде ерекше орын алатыны жайында Пайғамбарымыздың (оған Алланың игілігі мен сәлемі болсын) саxабаларынан жеткен.
Әл-Хакам бин Утайб бірде Мужаһид пен Убада бин Әбу Лубаба (Алла ол кісілерге разы болсын) өзінің артынан Құранның аяқталып жатқаны жайлы және де Құран хатым біткеннен соң Алла Тағаладан сұраған дұғаның қабыл болатындығын айтатын хабаршы жібергенін жеткізеді. «Мусаннәф», Ибн Әбу Шәйба.
Ибн Аббас (ол кісіге Алла разы болсын) кімде кімнің Құранды оқып бітіргелі жатқанын естігенде міндетті түрде сол адамның қасында болуға тырысатыны туралы жеткен дерек бар. «Муснад», әд-Дәрими.
Сондай- ақ кейбір деректер бойынша Әнәс ибн Мәлік (Алла оларға разы болсын) Құранды толығымен оқып бітірер кезде отбасын қасына жинап, Алла Тағалаға дұғамен жалбарынған. «Китәб әл-мәсәхиф», Ибн Әбу Дәуд.
Құранның соңғы бөлігін аяқтап жатқанда ішінде болып, хатым- дұғаға қатысу - Алла Тағалаға жақындаудың және де дұғасы қабыл болып, күнәсі жарылқанатын жандардың қатарында болудың керемет мүмкіншілігі.
Тақырып бойынша жаңалықтар
Қызықты тақырыптар
Намаз уақыттары 
