500 отбасыға пітір садақасынан жәрдем берілді
Рамазан – қайырымдылықтың, мейірімділіктің, жомарттықтың айы екені белгілі. Бір ай бойына еліміздің жер-жерінде мұқтаж жандарға түрлі көмектер көрсетілді. Соның бірі, Қазақстан мұсылмандары діни басқармасының төрағасы, Бас мүфти Серікбай қажы Ораз хазреттің бастамасымен әлеуметтік жағдайы төмен 500 отбасыға халықтың берген пітір садақасынан жәрдем берілді. Жалпы, пітір садақасы не үшін беріледі – дейтін болсақ, шариғатымыздың анықтамасына назар аударып көрелік.
Пітір садақаның мақсат-міндеті: біріншіден, ол – рамазан айында ұсталған оразадағы ақаулықты (кемшілікті) түзетіп, орнын толтырады. Екіншіден, пітір садақасы айт күні пақырлар мен міскіндердің мұқтаждығын жауып, әл-ауқаттарын көтеріп, көңілдерін қуантады. Ибн Аббас: «Алланың елшісі (Оған Алланың игілігі мен сәлемі болсын) пітір зекетін ораза ұстаған кісіні рамазандағы бос және жаман сөздерінен тазарту мақсатында әрі міскіндерге тағам ретінде парыз етті», - деп айтқан[1].
Міне, шариғатымыздың осы міндетін әрі Ардақты Алла Елшісінің (Оған Алланың игілігі мен сәлемі болсын) сүннетін жаңғыртып, Алматы қаласы Орталық мешітінде әр отбасыға азық-түлік, қаржылай және 45 жағдайы нашар отбасыдан шыққан жасөспірімдерге жаңа үлгідегі велосипедтер табыс етілді.
Алла Тағала игілікті істерімізді қабыл етсін!
Алматы қаласы Орталық мешітінің
Баспасөз қызметі
Қызықты тақырыптар
Бүгін Қазақстан мұсылмандары діни басқармасының төрағасы Серікбай қажы Ораз Шымкент қаласында өткен «Бауырлас елдердің рухани ортақ құндылықтары» атты халықаралық форум аясында Өзбекстан мүфтиі Усманхан қажы Алимовпен кездесті....
Қасиетті Рамазан айының соңғы күнінде Алматы қаласындағы «Әл-Мәдина» мешітінің бас имамы Бақытжан Көптілеуовтің ұйымдастыруымен және белгілі әнші Ернар Айдар мен Талғат Айдардың демеушілігімен қасиетті Құран Кәрімнің 30-шы парасы және «Духа» мен «Нәс» сүресіне дейін Алматы қаласы, Жетісу ауданы меші...
Күллі момын-мұсылманды шат-шадыман қуанышқа бөлеп, әр шаңыраққа Алланың берекесі мен сәлемінің ұшқынын ала келетін Ораза Айт мерекесі Алматы қаласы Орталық мешітінде жоғары деңгейде өткізілді. Таң намазынан бастап ең әдемі киімдерін киіп, хош иістерін себініп, жүздері қуанышқа толған жамағат мешітке...
Барша мұсылманның ұлық мерекесі – Ораза айтпен шын жүректен құттықтаймын! Күндердің сұлтаны болған Жұмамен тұспа-тұс келген Ораза айт мейрамы мүбарак болсын! Тақуалық пен ізгіліктің, жомарттық пен мейірімділіктің айы – қасиетті Рамазанда жасаған дұға-тілектеріңіз бен игі амалдарыңызды Алла қабыл етс...
Қадірменді қауым! Баршаңызды мұсылман үмбетінің ұлық мейрамы – Ораза айтпен шын жүректен құттықтаймын. Қасиетті жұма күнімен қатар келген айт мейрамы құтты-берекелі болғай! Біздің халқымыз рамазан айын ежелден ерекше қастерлеп: «Он екі айдың сұлтаны», – деп қадірлеген. Ал мереке күндері ағайын-жұрт ...
Рамазан айы үлкен мерекемен аяқталады. Бұл мереке – Ораза айт мерекесі. Бұл күні барлық мұсылмандар мерекелік намаз – Айт намазын жамағатпен оқу үшін мешітке ағылады. Намаздан соң мерекелік құтпаға қатысу – сүннет болып табылады....
Намаз уақыттары 
