Алматы: Бас имам «Қайрат» мешіті жамағатымен жүздесті
Жұма күні Алматы қаласының өкіл имамы Еркінбек қари Керімбекұлы Түрксіб ауданының Қайрат мешіті жамағатымен жүздесіп, «Ислам – береке-бірлік негізі» атты тақырыпта Жұма уағызын айтты.
Бас имам өз сөзінде исламдағы береке-бірлік ұғымдарының мән-маңызына тоқталып, елді тек ынтымақты болуға үндеді. Сондай-ақ, бейбіт күннің қадірін білуге, Алла берген егемендіктің туын жықпай, арандатушылықтарға ермеуге шақырды. Атам қазақтың «бірлік түбі – тірлік» деген нақылына сай, ел берекесінің артуы мен ел іргесінің берік болуы, біздің бірлігімізге байланысты екенін, әрі осындай ынтымақта болуымызды асыл дініміз – ислам да құптайтынын айтты.
Содан Жұма намазы оқылып, марқұмдарға Құран бағышталды. Қарияларымыз ел-жұртымызға, мешіт жамағатына қол жайып дұға жасады.
Жұма намазынан кейін Бас имам мешіт жанындағы сауат ашу орталығында Құран жаттап жатқан шәкірттермен жүздесіп, олардың оқу бағдарламасы, жатақжайымен танысты.
Алматы Орталық мешітінің баспасөз қызметі
Қызықты тақырыптар
Намаз уақыттары 
