АЛМАТЫ: "БӘЙКЕН" МЕШІТІНДЕ МӘУЛІТ АТАЛЫП ӨТТІ
ҚМДБ Алматы қаласы өкілдігіне қарасты Бостандық аудандық «Бәйкен» мешітінде «Мәуліт айы мүбәрак болсын» атты мәуліт кеші аталып өтті.
Бас имам Жұмабаев Данияр қари жұмаға жиналған жамағатқа Пайғамбарымыз (Оған Алланың салауаты мен сәлемі болсын) мәуліті жайлы кіріспе сөз сөйлеп, егемендік алғаннан бері мешіттерде аталып өтіп, жамағаттың көкейінен орын алған мәуліт жырларының оқылатындығын айтты. Сонымен қатар, қазақша мәуліт оқылатынын тілге тиек етті. Мәуліт жырын Бас имам Данияр қари, Жетпісбаев Жолдас, Бектұрғанов Баубек оқыды. Пайғамбарымыздың (Оған Алланың салауаты мен сәлемі болсын) ғибратқа толы өнегілі ғұмыры қазақ тіліндегі мәуліт жырымен оқылғанда тыңдаған жамағат ерекше тебіреністе болды. Шара соңында Маханбет Құлмұхаммед қажы дұға жасап, бата берді.
Мәуліт айына орай мешіт атынан ақсақалдар мен қызметкерлерге арнап дастархан жайылды. Бас имам Жұмабаев Данияр қари ақсақалдар мен қызметкерлерге алғысын айтып мәуліт мерекесіне орай дайындалған сыйлықтар үлестірді.
Алматы орталық мешіті баспасөз қызметі
Қызықты тақырыптар
Намаз уақыттары 
