АЛМАТЫ: КӨК ҚАЙНАР МЕШІТІНДЕ МӘУЛІТ ӨТТІ
Алатау ауданы "Көк Қайнар" мешітінде Пайғамбарымыздың (оған Алланың салауаты мен сәлемі болсын) туған айының құрметіне - мәуліт кеші аталып өтті.
"Пайғамбарымды танимын" атты сұрақ-жауаптар айдарымен шәкірттер арасындағы сайыс қазан айының жоспары бойынша өткізілді. Байқау шарттары Алла Елшісінің (оған Алланың салауаты мен сәлемі болсын) өмірбаяны мен "Адамзаттың асыл тәжі" кітабынан сұрақтарға жауап беру болды. Бақ сынасқан 14 шәкірт арасынан жүлделі үш орын анықталды.
I - Орын - Саяхат тревел компаниясымен Түркістанға екі адамға жолдама.
II - Орын - Көлсай-Шарын шатқалдарына саяхат.
III - Орын - 10 000 теңгелік сертификат.
Қосымша ынталандыру үшін 3 шәкіртке 5000 теңгеден берілді. Мәуліт айымен қатар келген сайыс мақсаты шәкірттер жүрегінде өнегелі Пайғамбар өмірін насихаттап, кітап оқуға баулу болып табылады. Соңынан мәуліт жыры оқылып, қатысушыларға дастархан жайылды.
Алматы Орталық мешіті баспасөз қызметі
Қызықты тақырыптар
Намаз уақыттары 
