АЛМАТЫ ОБЛЫСЫНДА САЯСИ ҚУҒЫН-СҮРГІН ҚҰРБАНДАРЫН ЕСКЕ АЛДЫ
Алматы облысы Талғар ауданына қарасты Жаңалық ауылында саяси қуғын-сүргін құрбандарын еске алу шарасы өтті.
Іс-шараға ҚМДБ наиб мүфтиі Кенжеәлі қажы Қоңыратбайұлы, Алматы қаласының бас имамы Төлеби Дәділұлы бастаған қала имамдары мен Алматы облысының бас имамы Мадияр Тағайбайұлы мен бірқатар имамдар, ақсақалдар және жергілікті жамағат «Жаңалық» ауылында зұлмат замандағы саяси қуғын-сүргін құрбандарына арнап құран бағыштады.
Деректерге сүйенген ғалымдардың пікірінше 1937-1938 жылдары Алматы қаласында және Алматы маңындағы абақтыларда атылған төрт мыңдай адамның мәйіті осы Жаңалық ауылының іргесіне үйінді ретінде көмілген екен.
«Зұлмат заманның азалы күндерінде тауқымет тартып, жазықсыз жапа шеккендердің жандары жәннатта болсын. Мұндай қырғын, қайғылы кезең енді қайта халқымыздың басына келмесін. Осынау ауыр сынаққа төтеп беріп, ұлт бірлігі мен асыл қасиеттерін жоғалтпаған ата-бабамыздың үмітін ақтау бүгінгі ұрпақ міндеті екенін ұмытпау қажет», - деп атап өтті наиб мүфти Кенжеәлі қажы Қоңыратбайұлы.
Алматы Орталық мешітінің баспасөз қызметі
Қызықты тақырыптар
Намаз уақыттары 
