Алматы Орталық мешіті «Раббың үшін құрбан шал!» акциясын жариялайды
Құрбан мейрамы кезінде мұсылмандардың көпшілігі екі қиындыққа кезігеді: біріншісі құрбандыққа мал іздеп, оны шалу болса, екіншісі құрбандыққа шалынған мал етін тиесілі адамдарды тауып, тарату.
Көптеген адамдар осы діни салт-жораны жүзеге асыру үшін кезектерін бірнеше сағаттап күтуге мәжбүр. Содан соң олар қалған уақытта көмекке зәру болған жандарды іздеп табанынан таусылады.
Осыған байланысты, Алматы қаласының Орталық мешіті және «Ихляс» қайырымдылық қауымдастығы қажылық айы мен «Ид әл-Адха» мейрамының қарсаңында «Раббың үшін құрбан шал!» атты кезекті акциясы өткізілетінін жариялайды. Оның мақсаты – мұсылмандарға өздерінің діни парызын орындауға қол ұшын беріп, істі жеңілдету және шынайы мұқтаж адамдарға жәрдем беру.
Енді өзіңіздің діни парызыңызды орындау үшін Орталық мешіттің есеп-шотына қаржы құйсаңыз жеткілікті. Малды құрбандыққа шалу міндетін мешіт имамдары өз мойнына алса, етті мұқтаж жандарға алдын-ала дайындалған тізім бойынша таратумен «Ихляс» қауымдастығы айналысады.
Акцияға қатысушылар рәсімнің басы-қасында болып қана қоймай, әкелген малдарының етін өздері таратып беру үшін түгелдей алып кетулеріне болады. Алайда, егер қандай да бір себептермен олар рәсімге қатыса алмайтын жағдайда болса, шариғатта рұқсат етілгендей, барлық тиісті шаралар солардың атынан жасалады.
Қатысушылар құрбандыққа шалынған мал етінің уәжіп болған бөлігін ғана немесе түгелдей таратып берсе де өз еріктері. Мұны әр адамның өзі шешеді.
Аталмыш акцияны Алматы Орталық мешіті биылғы жылды қосқанда қатарынан жетінші жыл өткізгелі отыр.
Ірі қара мал жеті адамның атынан құрбандыққа шалынады. Сол себепті, құрбан шалу үшін мал құнының 1:7 (жетіден бір) бөлігін құю қажет болады.
Бір бас ірі қара малдың бағасы - 301 000 теңге.
1 бөлігі - 43 000 теңге.
Бір ұсақ малдың бағасы - 35 000 теңге.
Құрбандық малын сатып алуға арналған қаражатты қолма-қол берсеңіздер де, Алматы Орталық мешітінің есеп-шотына аударсаңыз да болады:
KASPI GOLD: 5169 4931 9782 6772;
ИИН: 870117302449.
МАҢЫЗДЫ АҚПАРАТ: Ақшаны аударғаннан кейін төменде көрсетілген байланыс номеріне міндетті түрде WhatsApp арқылы өзіңіздің аты-жөніңізді, қай қаладан екеніңізді, аударған қаражаттың сомасы мен қай банк арқылы аударым жасалғандығы жайлы ақпаратты беру қажет.
WhatsАpр: +7 701 812 99 83
Ақпарат алу үшін байланыс нөмерлері :
+7 701 812 99 83
+ 7 702 882 04 14 Ашимов Қасым – Алматы Орталық мешітінің имамы.
Ақпарат жолдау үлгісі: Мүслімов Ислам Мұхаммедұлы, Алматы, 40 000 теңге, (Каспий банк)
Қаражатты алдын-ала аудару керек. Қаржыны қабылдаудың соңғы күні - 10-тамыз.
Тақырып бойынша жаңалықтар
Қызықты тақырыптар
Намаз уақыттары 
Ассаламуалейкум ва рахматуллахи ва баракатух! Неге кой сендерде 35 000 тг, кобиси жерде 22-25 мын бар? Алде адамдар киындыктан акша шыгару керек?