Алматы: Жасөспірімдер арасындағы IV Құран жарысы өз мәресіне жетті (ФОТО)
Алматы қаласындағы эпидемиялогиялық жағдайды ескере отырып, санитарлық талаптарға сай 28-29 тамыз күндері жасөспірімдер арасындағы IV Құран жарысы өтті. Айтулы жарыстың шымылдығын Алматы қаласы орталық мешітінің Бас имамы Төлеби қажы Дәділұлы жүрекжарды алғысөзімен ашып берді.
Бас имам: «Ассалаумағалейкум, құрметті жамағат, мұсылман бауырлар! Аяулы бүлдіршіндер мен ардақты ата-аналар! Қазақстан мұсылмандары діни басқармасының төрағасы, Бас мүфти Наурызбай қажы Тағанұлы хазреттің қолдауымен өтіп жатқан Жасөспірімдер арасындағы IV Құран жарысына қош келіпсіздер! Алла Тағала бәрімізге осы сайысты құтты да берекелі етсін! Ел ертеңі мен болашағы – бүгінгі бала, ертеңгі жастар қолында. Осы жарыстың басты мақсаты да – өскелең ұрпағымызды Құран тағылымынан нәр алған, иманды да адамгершілігі мол, ғылым-білімге құмар азаматтар етіп тәрбиелеу болмақ. Сондықтан да бүгінгі Құран жарысына қатысушы барлық жасөспірімдерімізге сәттілік тілеймін. Алла баршамыздан разы болсын!», – деді.
Жасөспірімдер арасындағы Құран жарысы тікелей эфирде ютуб каналымызда көрсетіліп тұрды. Жарысқа өтінім беріп қатысқандар саны әр аймақтан келген 134 жасөспірімдер болды. Оның ішінде 50 ұл бала, сексен төрт 84 қыз баласы болды.
Алғашқы күнгі сайыс қыз балалар арасында өткізілді. Жасөспірімдер арасындағы Құран жарысы негізгі үш бағыт бойынша өтті:
1. Құран Кәрімнің «Шәміс» сүресінен «Нас» сүресіне дейін;
2. «Нәбә» сүресінен «Нас» сүресіне дейін;
3. «Мүлік» сүресінен «Нас» сүресіне дейін жатқа оқу.
Жарысқа қатысушылардың оқу қырағаты, қатысушылардың оқу қырағаты, тәжуид білімі, жаттау қабілеті бағаланды. Құран жаттаған жасөспірім қыздарымыз бен ұлдарымыз жарыс талаптарына сай төрешілер тарапынан қойылған сұрақтарға мүдірмей жауап беруге тырысты.
Ал екінші күнгі Құран жарысы ұлдар арасында өз жалғасын тапты. Жасөспірім балалардың тамылжыта оқыған Құран аяттары Алла үйін әсем әуенге бөледі.
Төрешілер жарыста Құран аяттарын қатесіз, мәнерлеп оқуда жүлделі орындарға ие болған бүлдіршіндерімізге қаржылай сыйлықтар табыстады. Ал, ерекше көзге түсіп, ынталандыру сыйлығына ие болғандарға берілді. Жарысқа қатысқаны үшін қалған жасөспірім бүлдіршіндерімізге арнайы сыйлық ретінде самакаттар мен тағы да басқа сыйлықтар тарту етілді. Жарысқа қатысушы бүлдіршіндерімізге арнайы дастархан жайылды.
Бірінші күнгі қыз балалар арасындағы IV Құран жарысының жүлдегерлері:
Құран Кәрімнің «Мүлік» сүресінен «Нас» сүресіне дейін
І орын – Хадиша Бейбітқызы (150 000 тг).
ІІ орын – Айша Серікжанқызы (120 000 тг).
ІІІ орын – Кәусар Бекжанқызы (100 000 тг).
«Нәбә» сүресінен «Нас» сүресіне дейін
І орын – Қазен София Ринатқызы (100 000 тг).
ІІ орын – Әбдімажит Айша Қасымқызы (75 000 тг).
ІІІ орын – Қуанбекқызы Бәтима (50 000 тг)
«Шәміс» сүресінен «Нас» сүресіне дейін
І орын – Нұртуғанқызы Фатима (50 000 тг).
ІІ орын – Орынбасар Несібелі Орынбасарқызы (35 000 тг).
ІІІ орын – Абдулғани Жасмин (20 000 тг)
Екінші күнгі ұл балалар арасында IV Құран жарысының жүлдегерлері:
Құран Кәрімнің «Мүлік» сүресінен «Нас» сүресіне дейін
І орын – Дарханұлы Дияр (150 000 тг).
ІІ орын – Назар Мүдәріс (120 000 тг).
ІІІ орын – Жандос Абу Абдурахман (100 000 тг).
«Нәбә» сүресінен «Нас» сүресіне дейін
І орын – Нұрланұлы Ибрагим (100 000 тг).
ІІ орын – Бейсембай Амирхан (75 000 тг).
ІІІ орын – Бек Ардақ Ержанұлы (50 000 тг)
«Шәміс» сүресінен «Нас» сүресіне дейін
І орын – Темірлан Саятұлы (50 000 тг).
ІІ орын – Саид Біржанұлы (35 000 тг).
ІІІ орын – Екпін Бағдарсын (20 000 тг)
Басқа да жарысқа қатысушы жасөспірімдерге сыйлықтар үлестірілді. Алла Тағала ұл-қыздарымыздың білімін арттырып, еліміздің елеулі азаматтары болуға жазсын!
Алматы қалалық орталық мешітінің баспасөз қызметі
Қызықты тақырыптар
Намаз уақыттары 
