Алматыда қыз балалар арасында IV жасөспірімдер Құран жарысы өтеді (ФОТО)
ҚМДБ Алматы қаласы өкілдігінің ұйымдастыруымен 2021 жылдың 14 тамыз күні қыз балалар арасында IV жасөспірімдер Құран жарысы Алматы қалалық орталық мешітінде өтеді.
Қатысушыға қойылатын талаптар:
- Жарысқа қатысушы Қазақстан азаматы болуы;
- Үміткерлер екі бағыт бойынша қатысады:
1 – «Шамс» сүресінен «Нас» сүресіне дейін жатқа білуі (3-7 жасқа дейін);
2 – «Нәба» сүресінен «Нас» сүресіне дейін жатқа білуі (7-10 жасқа дейін);
3 – «Мүлік» сүресінен «Нас» сүресіне дейін жатқа білуі (10-13 жасқа дейін).
- Жарысқа қатысушылардың оқу қырағаты, тәжуид білімі, жаттау қабілеті бағаланады;
- Бұрынғы республикалық жарыстарға қатысып, жүлдегер болмауы тиіс.
Қажетті құжаттар: «Туу туралы куәліктің көшірмесі», «Үміткердің өтініші».
Жоғарыда аталған құжаттар үміткерден 2021 жылдың 10 тамызға дейін Ksh_90_kz@mail.ru электронды почтасы бойынша қабылданады.
Жарысқа қатысушы барлық бүлдіршіндерге сыйлықтар табысталады. Ал, арнайы жүлдегерлерге төмендегідей көлемде сыйақы тарту етіледі.
«Шәміс» сүресі мен «Нас» сүресінің аралығы (3-7 жас):
1-орын (50 000 теңге)
2-орын (35 000 теңге)
3-орын (20 000 теңге)
«Нәбә» сүресі мен «Нас» сүресінің аралығы (7-10 жас):
1-орын (100 000 теңге)
2-орын (75 000 теңге)
3-орын (50 000 теңге)
«Мүлік» сүресі мен «Нас» сүресінің аралығы (10-13 жас):
1-орын (150 000 теңге)
2-орын (120 000 теңге)
3-орын (100 000 теңге)
Барлық қатысушы жасөспірімдерге сыйлықтар беріледі.
Пайғамбарымыз (оған Алланың игілігі мен сәлемі болсын) хадисінде: «Балаларына Құран Кәрім үйреткендерге немесе Құран Кәрім ұстазына бергендерге үйретілген Құран Кәрімнің әрбір әрібі үшін қасиетті Қағбаны 10 рет зиярат еткеннің сауабы беріледі және қиямет күні басына дәулет тәжі кигізіледі. Бүкіл адамдар оны көріп қызығады», – деп айтқанындай, бүлдіршіндеріміздің жастайынан Құран жаттап, иманды да салиқали, отансүйгіш болып өсуі – біздер үшін абыройлы міндет, зор бақыт.
Қосымша ақпарат үшін: +7 701 812 99 83, +7 702 985 45 90 – Қасым имам.
Алматы қалалық орталық мешітінің баспасөз қызметі
Қызықты тақырыптар
Намаз уақыттары 
