Америка әскерінің подполковнигі мұсылман сарбазбен пікірталастан кейін Исламды қабылдады
Майкл Барнс Луизиана штатының Александрия қаласында діни христиандық жанұяда дүниеге келді. Олар аптасына үш рет шіркеуге барып тұратын. Майкл Джарвистегі христиандық колледжде оқып, 23 жасында Америка әскеріне жазылды, деп хабарлайды All American Muslim.
Германиядағы америкалық әскери базада борышын өтеу кезінде ол мұсылман сарбазды кездестіреді. Мұсылман сарбаз Ислам мен оның артықшылығы жайында айта береді. Оның Майкл Барнстың ызасын келтіргені сондай, бір күні Майкл оны көпшіліктің алдында Ислам мен христиандық жайлы пікірталасқа түсуге шақырды. Пікірталасқа базадағы қырық сарбаз қатысады. Пікірталас кезінде не болғанын толық айтпаған Майкл мұсылман сарбаздың оған «кейбір дәлел-дәйектерді келтіріп, өз дінін бұлтартпас дәйектермен қорғап, Исламды мүлде басқаша көрсеткенін» айтады. Майкл қалай таңғалғанын былай баяндайды:
«Сол кезде ойым сан-саққа бөлініп, шашырап кетті, шынымды айтсам, күйзеліске түсіп, қатты ұялдым. Өзім сеніп жүрген нәрселер ақиқат деп ойлайтынмын. Бірақ, алғаш рет өзімнің адам ретінде кім екеніме және сенім-нанымдарыма күмән туды».
Пікірсайыстан кейін Майкл Барнс Исламды зерттеуге бел буады. Ол күн сайын жұмыстан кейін Құранның мағынасы мен Інжілді оқып санаусыз сағаттар өткізді. Екі жыл зерттеуден кейін ол Ислам негіздерінен терең білімге ие болды: «Құрандағы маған ұнайтын үзінділердің бірі «Саналы адам мен санасыз адам бірдей ме?» деген сұрақ. Мені қызықтырған нәрсе – Исламдағы осы қисынды мәселе. Маған берілген игіліктерді өзім бақылап отырамын және имамның алдында жауап беруге міндетті емеспін». Ол дайын болған кезінде Исламды қабылдап, есімін Халид Шәббаз деп ауыстырды.
Шаббаз қазір АҚШ әскерінің лейтенант-полковнигі (подполковникпен бірдей). Оның екі докторлық және үш магистрлік дәрежесі бар. Оның айтуынша, Исламға келген кейбір америкалық сарбаздар одан ақыл-кеңес сұрап, қолдау іздеп келеді екен. Небәрі үш ай бұрын ғана арнайы жасақтың аға сержанты Шәббазға келіп:
«Менің Ислам туралы ойлап жүргеніме үш жылға жуықтап қалды. Енді, міне, шаһаданы айтуға дайынмын» деп, Исламды қабылдауға ниет білдірген.
Тақырып бойынша жаңалықтар
Жаңа Зеландияның Оңтүстік аралының тұрғыны Крайстчерч мешіттеріндегі терактілерден соң өзінің қалай исламға келгенін баяндап берді.
Найроби: Кениялық епископ Исламға бет бұрып, шіркеуін мешітке айналдырды. Ол мұнысын: «Шіркеуде ашық-шашық киінген әйелдерді көруге ұятым жібермеді», - деп түсіндірген....
Осы жылдың маусымында EDL британиялық ұлтшылдар ұйымының бұрынғы көшбасшысы Томми Робинсон ұлттық телевизияда ITV арнасының «Қайырлы таң, Британия» бағдарламасына қатысқан кезде Құранның қатыгездікке және зорлық-зомбылыққа шақыратынын мәлімдеген....
Қазақстан боксының жарық жұлдызы, Атланта олимпиада ойындарының чемпионы, Вэла Баркер кубогының иегері және IBF-тің бірінші ауыр салмақтағы әлемнің экс-чемпионы, бокс әлемінде «Балқаш жолбарысы» деген лақап атпен танылған Василий Жиров Ораза айт мейрамы қарсаңында Ислам дінін қабылдады....
Ибрагим Киллингтонның оқиғасы бізге ұлы сахаба Омар ибн Хаттабтың (р.а.) оқиғасын еске түсіреді: ол бір жолы қатты ашуланғаны соншалық, Алла Елшісін (с.а.с.) өлтірмек болады. Алайда, Алла оның көкірек көзін ашып, ол Исламды қабылдайды, деп хабарлайды All American Muslim.
...
АҚШ-тың Атлантик Сити қаласында (Нью-Джерси) көшедегі жасөспірімдердің төбелесін тоқтатып, әп-сәтте интернетте танымалдыққа ие болып, лайықты түрде баршаның қошеметіне бөленген жан оған бейбітшілікті жаюды Ислам үйреткендігін айтады деп хабарлайды Time....
Намаз уақыттары 
