Мұсылмандарды өлтіруді қалап жүрген Британдық өзі мұсылман болды
Ибрагим Киллингтонның оқиғасы бізге ұлы сахаба Омар ибн Хаттабтың (р.а.) оқиғасын еске түсіреді: ол бір жолы қатты ашуланғаны соншалық, Алла Елшісін (с.а.с.) өлтірмек болады. Алайда, Алла оның көкірек көзін ашып, ол Исламды қабылдайды, деп хабарлайды All American Muslim.
Ибрагим Киллингтон – Британияның Норфолк жерінде тұратын жас жігіт. 11 қыркүйектегі оқиғадан соң қатты ашуға булығып, барынша көбірек мұсылмандарды өлтіруді қалайды. Алайда, Алла Тағаланың қалауы басқа болды. Ибрагимнің өз аузынан тыңдайық:
«Мен Исламға келгенге дейін бар өмірім ішкілік, есірткі мен ойын-сауықтан тұратын. Өмірімнің бар мәні көңіл көтеру мен ойын-күлкі болатын. Бұл – өлім сәтіне дейінгі бар өміріңді әйтеуір қалай да өткізу жолы, және дәл сондай көзқарастағы адамдардан құралған қоғам – ешқандай да жақсы қоғам емес.»
Ибрагим мұсылмандар туралы алғаш рет 11 қыркүйектегі теракттан соң естігендігін айтады. Ол кезде өте жас болғандықтан, «террористтер» деген сөзді де білмейтін. Ол Америкаға «туристер» шабуыл жасады деп ойлаған.
Американың Ауғанстан мен Иракта жүргізген жаһандық «терроризммен күресі» әсерінен Ибрагимнің мұсылмандарға деген өшпенділігі арта түседі. Оның өз сөзімен айтар болсақ, «ақпарат құралдарының үздіксіз бомбалауы әсер етті». Ол өзі алыс шет мұсылман елдеріндегі соғысқа тікелей қатысу үшін үш рет әскер қатарына қосылуға тырысқан. Ол осы әрекеті арқылы елі мен отбасын әлемдегі ең үлкен зұлымдықтан құтқарамын деп шынайы сенген.
Сол уақыттарда көптеген еуропалық жастар секілді оның өзі де рухани ізденіс үстінде болды. Ол солтүстік мифология мен пұтқа табынушылыққа қызығатын. Алайда, Ибрагимде Исламға деген де қызығушылық болды. Алғашқыда бұл қызығушылық өзі жау көрген, әлемдегі ең үлкен зұлымдық санаған адамдардың санасын жаулап алған не екенін білуге деген талпыныс түрінде болды. Ибрагим Құранның аудармасын оқып көруге бел байлайды. Оны оқу Ибрагимнің Құран туралы көзқарасын түбегейлі өзгертті. Бұрын Ибрагим Құранды терроризм жайында мағлұмат беретін анықтамалық деп ойлаған. Тіпті Британдық арнайы қауіпсіздік қызметі мұндай кітапты ұстағаны үшін өзін қамауға алар деп те қорқатын.
«Мен оны оқығанда өзімді тоқтата алмадым. Ол менің жүрегіме тереңдеп еніп кетті. Мен әр түрлі сүрелерді оқуды жалғастырдым. Және тамағын күйдіретін қайнап тұрған су ішкізілетін тозақтық адамдар туралы оқығаным есімде. Мен ол кезде түкке тұрғысыз өмірімді сүріп жүргенмін. Және оны оқығанда өзімнің тамағымның қалай күйіп жатқанын елестеттім, және шынайы түрде сезгендей болдым. Мен өмірімді өзгертуім қажет еді.»
Оның келесі қадамы мешітке бару болды. Алғашқыда ол тек кітап оқу үшін барды. Бір күні кешке оған анасы қоңырау шалып, қайда екендігін сұрағанда Ибрагим «Мен мешіттемін.» деп жауап береді. «Жоқ, сен мешітте бола алмайсың. Сен христиансың, христиандар мешітке бармайды.» - дейді анасы. Анасы ұлының таңдауын ұзақ уақыт қабылдай алмай жүрді, тіпті сол үшін жылаған кездері де көп болған. Бірақ кейіннен ұлының жақсы жаққа өзгере бастағанын байқайды.
Ибрагим Исламды қабылдау арқылы өз үйін тапқандай сезінгенін айтады. Оның Ислам туралы ойланып жүрген әрбір жанға берер кеңесі:
«Мешітке барып, білімді адамдармен сөйлесіңдер. Сұрақтарға жауаптарды интернеттен іздемеңдер. Интернетте көптеген жақсы нәрселер бар. Бірақ сендер Ислам туралы ешнәрсе білмеген кезде ненің дұрыс, ненің бұрыс екендігін ажырата алмайсыңдар. Ең дұрысы – адамдармен сөйлесу. Мұсылмандармен бірге уақыт өткізіңдер.. Отбасыларың не ойлайды деп қорықпаңдар. Мен де көптеген адамдар секілді ата-анам не ойлайды екен деп уайымдадым. Бірақ ақырында, Ислам сендер үшін. Ал сендер отбасыларыңа да келеді деп жақсылыққа үмітті болуларың керек.»
Тақырып бойынша жаңалықтар
Жаңа Зеландияның Оңтүстік аралының тұрғыны Крайстчерч мешіттеріндегі терактілерден соң өзінің қалай исламға келгенін баяндап берді.
Еңбек еткен — мұратқа жеткен. Бұл сөздер Ұлыбританиядағы Эссекс университетінде (University of Essex) оқи жүріп, аптасына 20 сағат қоқыс тазалаушы болып жұмыс істеген Мұхаммед Афик ...
Найроби: Кениялық епископ Исламға бет бұрып, шіркеуін мешітке айналдырды. Ол мұнысын: «Шіркеуде ашық-шашық киінген әйелдерді көруге ұятым жібермеді», - деп түсіндірген....
Осы жылдың маусымында EDL британиялық ұлтшылдар ұйымының бұрынғы көшбасшысы Томми Робинсон ұлттық телевизияда ITV арнасының «Қайырлы таң, Британия» бағдарламасына қатысқан кезде Құранның қатыгездікке және зорлық-зомбылыққа шақыратынын мәлімдеген....
Бұл күн такси жүргізуші Изи Рашид үшін ерекше болды. Ол күні 78 жасар Барри Стоун оған 12 мың фунт салынған пакетті Лондондағы белгілі бір мекенжайға апарып беруді тапсырған болатын....
Қазақстан боксының жарық жұлдызы, Атланта олимпиада ойындарының чемпионы, Вэла Баркер кубогының иегері және IBF-тің бірінші ауыр салмақтағы әлемнің экс-чемпионы, бокс әлемінде «Балқаш жолбарысы» деген лақап атпен танылған Василий Жиров Ораза айт мейрамы қарсаңында Ислам дінін қабылдады....
Қызықты тақырыптар
АҚШ-тың Атлантик Сити қаласында (Нью-Джерси) көшедегі жасөспірімдердің төбелесін тоқтатып, әп-сәтте интернетте танымалдыққа ие болып, лайықты түрде баршаның қошеметіне бөленген жан оған бейбітшілікті жаюды Ислам үйреткендігін айтады деп хабарлайды Time....
Стамбулдық Айя София қайтадан мешітке айналуын талап еткен үлкен топ 13 мамыр күні таңертең қазіргі музейдің алдында таң намазын оқуға жиналды деп хабарлайды Hurriyet Daily News.
...
Түркияның оңтүстігінде Хатай провинциясында Сириялық жетімдер үшін ауыл салынғанын хабарлаған болатынбыз. Анадолу агенттігі бірнеше күн бұрын кешеннің суреттерін жариялады. Соған қарап, қайырымды жандардың жұмысын бағалауға болады. ...
Қырғызстандағы бірқатар ауылдар жергілікті дүкендерде спирттік ішімдіктердің сатылуына тыйым салды. Мұндай бастама алғаш рет 2008 жылы Ош облысының Караке ауылындағы тұрғындар тарапынан ұсынылған болатын. Уақыт өте келе бұл шешімді бүкіл Қырғызстан бойынша 30 ауыл құптады. Мұндағы ең басты мақсат – ...
Мұсылман Үмбетінің басқа діни қауымдар мен конфессиялардан тез ұлғайып жатқаны жайлы жиі естіп жатамыз. Алайда, мұның сандық көрсеткішін біле бермейміз.
Әлеуметтік желілердегі кейбір бақылаушылар Apple компаниясының жаңадан салынып жатқан кампусының суреттерін ежелгі Бағдаттың суретімен салыстырып, қызықты ұқсастықты байқады, деп хабарлайды Azan.kz. ...
Намаз уақыттары 
