БАҚ ӨКІЛДЕРІМЕН БАСҚОСУ (ФОТО)
Бұқаралық ақпарат құралдары қызметкерлерінің кәсіби мерекесі қарсаңында ҚМДБ Алматы қаласы өкілдігінің ұйымдастыруымен БАҚ өкілдерімен басқосу өтті.
Шаһардың бас имамы Төлеби Дәділұлы қасиетті құрбан айт мерекесімен тұспа-тұс келген 28 маусым – бұқаралық ақпарат қызметкерлерінің кәсіби төл мерекесімен БАҚ өкілдерін құттықтап, құрбан айтқа орай ҚМДБ Төрағасы, Бас мүфти Наурызбай қажы Тағанұлы хазреттің қасиетті Мекке қаласынан арнайы жолдаған сәлемін жеткізді. Еліміздегі толағай табыстар мен зор жетістіктердің жаршысы болып жүрген журналистердің рөлі маңызды екенін айтып, қалам ұстаған қауым үшін айрықша мерекеде Қазақстан мұсылмандары діни басқармасының ақпарын таратудағы орасан зор еңбегі үшін алғыс білдірді.
«Жаңалықтың жаршысы, жақсылықтың хабаршысы болып қоғамдық ахуалдың алғы шебінде жүруді нәсіп етсін! Мерейлі мерекеңіз құтты болсын! Деніңізге саулық, отбасыңызға амандық тілеймін!» деген алғыс хатта. Құрбан айт мерекесімен ҚМДБ және Алматы өкілдігі атынан құттықтау мен арнайы сыйлық салынған себеттер тарту етілді. Өз кезегінде журналистер қауымы да қара шаңырақ Қазақстан мұсылмандары діни басқармасы жұмысынтарына сәттілік тілеп, ризашылықтарын білдірді.
Алматы Орталық мешітінің баспасөз қызметі
Тақырып бойынша жаңалықтар
Қызықты тақырыптар
Намаз уақыттары 
