АУДАН ИМАМДАРЫНА «ӘДЕП КЕҢЕСІ» ЖИНАЛЫС ӨТКІЗДІ
ҚМДБ Алматы өкілдігінде құрылған «Әдеп» кеңесі» Жетісу, Түрксіб, Алатау, Наурызбай, Бостандық аудандарындағы дін қызметкерлеріне қызметтік міндеттерін кәсіби әрі жауапкершілікпен атқару мен діни қызмет барысындағы әдеп ережелерін түсіндіру жиналысын өткізді.
«Әдеп» кеңесі» комиссия төрағасы Бекмұратов Байұзақ Орынбасарұлы алдымен Жетісу ауданы «Әл-Мәдина» мешітінде имамдарына жиын өткізіп, дін өкілдерінің қызметтік әдебі, дін қызметкерлерінің тәртіптік ережесі құжаттарына толыққанды шолу жасады. Имамның көркем мінезді болуы, қызметтік міндетті адал атқаруы, әдет-ғұрыпты сақтауы, киім үлгісінің талапқа сай болуы, шараларда өзін ұстау әдебі, сөйлеу әдебі, т.б. мәселелерге тоқталды. Әбу Ханифа Матруди ақида мектебі бойынша Ислам дінін дұрыс және жүйелі насихаттауға қажетті көптеген қосымша ақпараттар берілді. Осындай жоспарлы жиналыс Алатау аудан «Бекет ата» мешітінде, Түрксіб аудандық «Фирали ферғанұлы» мешітінде, Наурызбай ауданы «Әбу Бәкір» мешіті мен Бостандық ауданы «Бәйкен» мешітінде де жалғасын тапты. «Әдеп» кеңесі» жиналысына аталмыш аудандарға қарасты барлық мешіттің имамдары, наиб имамдар мен ұстаздар, азаншылар мен молдалар да қатысты.
Жиын соңына қарай, Құран Кәрім мен Пайғамбар сүннетін негізге ала отырып, дінге адал қызмет атқаруға басымдылық жасалу керектігі айтылды.
Алматы Орталық мешітінің баспасөз қызметі
Тақырып бойынша жаңалықтар
Қызықты тақырыптар
Намаз уақыттары 
