Бас мүфти ардагерлер үйінде ауызашар берді
Кеше Қазақстан мұсылмандары діни басқармасының төрағасы, Бас мүфти Серікбай қажы Ораз хазрет ардагерлер үйіне арнайы зиярат жасап, ауызашар дастарханын жайды. Бас мүфти хазретті ардагерлер үйінің директоры Раиса Мұсабекқызы күтіп алып, қарттарға жасалып отырған барлық жұмыстарымен таныстырды. Ең алдымен ардагерлерінің үйінің ортаңғы үлкен залында орналасқан қолдан егілген кіші саябақты аралап, ғимарат ішіндегі ғажап көріністі жасаған басшылығына алғыс айтты. Одан кейін, қарттарға қолайлы етіп жасалған спорттық сауықтыру залын аралап Бас мүфти:
«Мынау спорттық сауықтыру залы ардагерлер үйінде жатқан денсаулықтары сыр берген әрбір қарияға өте қолайлы жасалған екен», - деп сауықтыру залындағы құрал-жабдықтармен танысты.
Сонымен қатар, қариялардың арасындағы қолының шеберлігі бар кісілерге арналған қолөнер жасау бөлмесін және қарттардың жүйке жүйесін тыныштандыруға арналған сауықтыру бөлмелерін аралап шықты. Және жасы 76-ға келген ардагерлер үйінің тұрғыны Құлмағамбетова Төлебике Саимқызының бөлмесіне бас сұғып, қарт анамен сұхбаттасты. Одан кейін Бас мүфти хазрет ардагерлер үйінің тарихынан сыр шертер музейді аралады. Және №45 кітапханаға да зиярат жасап, кітапхана ішіндегі жұмыстармен танысып, Өз атынан қазақтың тарихы қамтылған «Ұлы Дала төсіндегі Ислам» атты еңбегін қолтаңбасымен сыйға тартты.
Ардагерлер үйінің жұмыстарымен танысып болғаннан кейін арнайы жайылған ауызашар дастарханында қариялармен сұхбаттасып, қам көңіл қарттардың көңіліне медет сыйлар ақ тілегін жеткізіп:
«Ең алдымен қасиетті Рамазан айы баршаңызға құтты, мүбарак болсын. Алланың разылығы үшін ұстаған оразаларыңыз қабыл болсын. Бүгінгі қоғамда күллі адамзатқа жетіспей тұрған мінез ол – мейірімділік. Біз сол мейірімділіктің бір үзігін болса да өздеріңізбен бөлісуге келіп отырмыз. Сіздердей қазыналы қарияларымыз аман болсын», – деп, ардагерлерінің үйінің тұрғыны Төлебике Саимқызына және Раиса Қалдыбайқызына барша мұсылманның атынан және Өз атынан үлкен қажылыққа жолдама табыстады. Қаншама мұсылманның арманы болған қасиетті мекенге қажылық сапарының жолдамасына ие болған Төлебике Саимқызы қуаныштан толқып, аналық алғысын айтты.
Шара барысында Ардагерлер үйінің директоры Раиса Мұсабекқызы сөз алып, Бас мүфтиге шексіз алғысын жеткізді. Сонымен қатар, кешегі өткен Майлықожаның шөбересі Жәкен Омаров қазақы мәнді терме орындап, қариялардың көңілін көтерді.
Ардагерлер үйіндегі ақ тілекпен басталған жүздесу, ақсақалдардың ақ батасына ұласып, Кәрімғали Есімжанұлы ақсақал арнайы бата беріп, ел мен діннің қыруар жұмысы болса да қарттарын ұмытпай дастархан жайып отырған Бас мүфти хазретке зор алғысын жеткізді.
Алматы қаласы Орталық мешітінің Баспасөз қызметі
Тақырып бойынша жаңалықтар
Рамазан айы үлкен мерекемен аяқталады. Бұл мереке – Ораза айт мерекесі. Бұл күні барлық мұсылмандар мерекелік намаз – Айт намазын жамағатпен оқу үшін мешітке ағылады. Намаздан соң мерекелік құтпаға қатысу – сүннет болып табылады. Бұл күні мұсылмандарға мүмкін болса жуынып- шайынып, ер адамдар үстіле...
Бүгін, мінеки, көптен күткен қасиетті Рамазан айымен қауышып, мұсылмандар оразаның бірінші күнін ұстап, ауыздарын бекітті. Осыған орай, Алматы қаласы Орталық мешітінде, ораза тұтқандардың сауабына қалу ниетінде, 500 адамға арнап ауызашар дастарханы жайылды. ...
Қазақстан Республикасының Президенті Қасым-Жомарт Тоқаев қазақстандықтарды Рамазан айының басталуымен құттықтады:
Рамазан айының басталуын нақты анықтау шариғи үкімдер мен астрономиялық есептер негізінде жүзеге асады. Алғашқы кезеңде мұсылмандар жаңа туған айды көзбен көретін. ...
Күллі момын-мұсылманды шат-шадыман қуанышқа бөлеп, әр шаңыраққа Алланың берекесі мен сәлемінің ұшқынын ала келетін Ораза Айт мерекесі Алматы қаласы Орталық мешітінде жоғары деңгейде өткізілді. Таң намазынан бастап ең әдемі киімдерін киіп, хош иістерін себініп, жүздері қуанышқа толған жамағат мешітке...
Барша мұсылманның ұлық мерекесі – Ораза айтпен шын жүректен құттықтаймын! Күндердің сұлтаны болған Жұмамен тұспа-тұс келген Ораза айт мейрамы мүбарак болсын! Тақуалық пен ізгіліктің, жомарттық пен мейірімділіктің айы – қасиетті Рамазанда жасаған дұға-тілектеріңіз бен игі амалдарыңызды Алла қабыл етс...
Қызықты тақырыптар
Қазақстан мұсылмандары діни басқармасының төрағасы, Бас мүфти Серікбай қажы Ораз қасиетті рамазан айында Алматы қаласы Бостандық ауданында орналасқан «Байкен» мешітінде болды. Тарауық намазын жүргізіп, жамағатқа уағыз айтып, Құран хатым дұғасын жасап ақ батасын берді....
Қайырымдылық шараларының қара шаңырағына айналған Алматы қаласы Орталық мешіті қасиетті Рамазан айының қарсаңында 300 отбасыға көмек көрсетті.
Қазақстан мұсылмандары діни басқармасының Алматы қаласы бойынша өкіл имамы Еркінбек қажы Шоқайдың ұйытқы болуымен қаламгер қауым мен журналистерге Орталық мешіт ауласында ауызашар берілді....
Қасиетті Рамазан айы қарсаңында Алматы қаласындағы «Бақыткелді» мешітінің бас имамы Бауыржан қажы Керімбайұлының ұйымдастыруымен және демеушілігімен қасиетті Құран Кәрімнің 30-шы парасының «Фәжр» мен «Нәс» сүресіне дейін «Бақыткелді», «Орбита», «Нұр-Мүбарак», «Бәйкен» мешіттері жамағаты арасында жар...
Мейірімі шексіз Алладан ұлы Хабар келген қасиетті Рамазан айына арнап Таугүл-3 мешіті әйел-қыздар секторы мен «Жәрдем» қайырымдылық қорының ұйымдастыруымен 170 қыз-келіншекке үлкен көлемде ауызашар өткізілді....
ҚР Дін істері және азаматтық қоғам министрлігіне қарасты Республикалық ақпараттық түсіндіру тобы Алматы қаласында Діни экстремизм және терроризмнің алдын алу мақсатында кездесулер ұйымдастыруда....
Намаз уақыттары 
